ရီးရဲလ်မက်ဒရစ်မှာ ၈ နှစ်တာ အတွင်း အဓိက ဆုဖလား ၁၂ လုံးအထိ ဆွတ်ခူးထားနိုင်ခဲ့တဲ့ ဂိုးသမား သီဘောက် ကော့တွာစ် ကတော့ လာလီဂါ မှာပဲ အခြေချပြီး အသင်းနဲ့ အတူ သက်တမ်း ပိုရှည်ရှည် ဆက်ရှိနေဖို့ ပြင်ဆင်နေပါတယ်။ မကြာသေးခင်က သူ့ရဲ့ မိခင်နိုင်ငံ ဘယ်လ်ဂျီယံကို ပြန်တော့မယ် ဆိုတဲ့ ကောလာဟလတွေ ထွက်ပေါ်ခဲ့ပေမယ့် ကော့တွာစ် ကတော့ သူ့ရဲ့ ဘောလုံးသမားဘဝ နောက်ဆုံး အချိန်တွေကို ရီးရဲလ်မက်ဒရစ်မှာပဲ ကုန်ဆုံးသွားချင်တယ်လို့ ပြတ်ပြတ်သားသား ဖွင့်ဟလိုက်ပါတယ်။
၂၀၁၈ ခုနှစ်က ချဲလ်ဆီး အသင်း ကနေ ရီးရဲလ်မက်ဒရစ်ကို ပြောင်းရွှေ့လာခဲ့တဲ့ ကော့တွာစ်ဟာ နည်းပြ ဇနက်ဒင် ဇီဒန်း ရော၊ အန်ဆလော့တီ လက်ထက်မှာပါ အသင်းရဲ့ အောင်မြင်မှုတွေ အတွက် မရှိမဖြစ် အရေးပါတဲ့ ထောက်တိုင်ကြီး ဖြစ်ခဲ့တာပါ။ အသက် ၃၄ နှစ် အရွယ် ရှိပြီ ဖြစ်ပြီး ရိုးရာ ပြိုင်ဘက် အက်တလက်တီကိုမက်ဒရစ် မှာလည်း ၃ ရာသီကြာ ကစားခဲ့ဖူးတဲ့ ဒီဂိုးသမားကြီးဟာ ရီးရဲလ်မက်ဒရစ် အတွက် ပွဲပေါင်း ၃၃၃ ပွဲအထိ ပါဝင် ကစားပေးထားပြီး ဆုဖလားပေါင်း များစွာ ကိုလည်း ရယူပေးထားနိုင်ခဲ့ပါတယ်။
သူရရှိထားတဲ့ ဆုဖလား ၁၂ လုံးထဲမှာ လာလီဂါ ချန်ပီယံ ၃ ကြိမ်၊ ချန်ပီယံလိဂ် ဖလား ၂ ကြိမ် အပြင်၊ ကိုပါဒယ်ရေး ဖလားနဲ့ စပိန်စူပါကပ်ဖလား ၂ ကြိမ်စီတို့ ပါဝင်နေပါတယ်။ ရီးရဲလ်မက်ဒရစ် အတွက် စတင် ကစားပေးကတည်းက ဆိုရင် ကော့တွာစ်ဟာ ပြိုင်ပွဲစုံမှာ ပေးဂိုး မရှိ Clean Sheet ၉၆ ပွဲ အထိ ရရှိထားတာပါ။ ဥရောပရဲ့ ထိပ်တန်းလိဂ် ၅ ခုထဲမှာ ဒီထက်ပိုပြီး Clean Sheet ရထားတဲ့ ဂိုးသမားဆိုလို့ အလီဆွန် (၁၀၃ ပွဲ)၊ အီဒါဆန် (၁၀၆ ပွဲ)၊ မိုက်ခ် မိုင်နွန် (၁၀၈ ပွဲ) နဲ့ ယန် အော်ဘလက်ခ် (၁၁၇ ပွဲ) တို့ ၄ ယောက်ပဲ ရှိပါတော့တယ်။
လက်ရှိ ရီးရဲလ်မက်ဒရစ် အသင်းမှာ အန်ဒရီ လူနင်နဲ့ ဖရန် ဂွန်ဇာလက်စ် တို့လို ဂိုးသမား ရွေးချယ်စရာတွေ ရှိနေပေမဲ့လည်း ကော့တွာစ် ကတော့ စပိန်မြို့တော်ကို စွန့်ခွာဖို့ စိတ်ကူး လုံးဝ မရှိကြောင်း အခုလို ပြောပြခဲ့ပါတယ်။ “ဘယ်လ်ဂျီယံမှာ ပြန်ကစားဖို့ ကျွန်တော် မစဉ်းစားတော့ပါဘူး။ ဘယ်လ်ဂျီယံ ပရိုလိဂ် ကတော့ ကျွန်တော့် အတွက် ပိတ်သွားခဲ့တဲ့ စာမျက်နှာတစ်ခုပါ။ ဂန့်ခ် အသင်း မှာလည်း ထူးချွန်တဲ့ လူငယ် ဂိုးသမားတွေ အများကြီး ရှိနေပါတယ်။ ကျွန်တော့်ရဲ့ ပန်းတိုင် ကတော့ ရီးရဲလ်မက်ဒရစ် မှာပဲ ကစားသမား ဘဝကို အဆုံးသတ်ဖို့ပါပဲ။”
ပြီးခဲ့တဲ့ ၂၀၂၅-၂၆ ရာသီ လာလီဂါ ပြိုင်ပွဲမှာ ရီးရဲလ်မက်ဒရစ် အသင်းဟာ ခါးသီးတဲ့ ပြိုင်ဘက် ဘာစီလိုနာရဲ့ နောက် ဒုတိယနေရာနဲ့ပဲ ကျေနပ်ခဲ့ရပါတယ်။ အဲဒီရာသီမှာ ဘာစီလိုနာရဲ့ ယိုအန် ဂါစီယာ (၁၅ ပွဲ) ပြီးရင် ကော့တွာစ်က ပေးဂိုး မရှိပွဲ ၁၃ ပွဲနဲ့ ဒုတိယ အများဆုံး စွမ်းဆောင်နိုင်ခဲ့တာပါ။
ဆုဖလား လက်မဲ့ ဖြစ်ခဲ့ရတဲ့ ရာသီတစ်ခု အပြီး မှာတော့ ၂၀၁၀ ကနေ ၂၀၁၃ အထိ ရီးရဲလ်မက်ဒရစ်ကို ကိုင်တွယ်ခဲ့ဖူးတဲ့ နည်းပြ မော်ရင်ညိုဟာ လာမယ့် ရာသီမှာ ဆုဖလားတွေ ပြန်လည် စိန်ခေါ်နိုင်ဖို့ အတွက် အသင်းဆီ တစ်ကျော့ပြန် ရောက်ရှိလာခဲ့ပြီ ဖြစ်ပါတယ်။ ဒါ့အပြင် ရီးရဲလ်မက်ဒရစ်ဟာ အသင်းကို အင်အား ဖြည့်တင်းဖို့ အတွက် ပရီးမီးယားလိဂ်က နာမည်ကျော် ကစားသမား သုံးဦး ဖြစ်တဲ့ မာ့ခ် ကူကူရယ်လာ၊ ဘာနာဒို ဆေးလ်ဗားနဲ့ အီဘရာဟီမာ ကိုနာတေး တို့ကို ခေါ်ယူထားပြီး ဖြစ်ပါတယ်။ အထူးသဖြင့် ဆေးလ်ဗားနဲ့ ကိုနတေးတို့ နှစ်ယောက် ကိုတော့ အလွတ်ပြောင်းရွှေ့ကြေးတွေနဲ့ အရခေါ်ယူနိုင်ခဲ့တာ ဖြစ်ပါတယ်။ ဒါကြောင့် လာမယ့်ရာသီမှာ ရီးရဲလ်မက်ဒရစ်တို့ ဘယ်လောက် အထိ ကြောက်ဖို့ ကောင်းလာမလဲ ဆိုတာ စောင့်ကြည့်ရတော့မှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
