မန်ချက်စတာယူနိုက်တက် ကွင်းလယ်လူ ဘရူနို ဖာနန်ဒက်စ် ကတော့ ပရီးမီးယားလိဂ် ကလပ် ယူနိုက်တက်မှာ သူ့ရဲ့ သမိုင်းမှတ်တိုင်ကို ပိုမိုခိုင်မာအောင် လုပ်ဆောင်ဖို့ အိမ်မက်ရှိနေဆဲ ဖြစ်ကြောင်း အတည်ပြု ပြောကြားလိုက်ပါတယ်။
လက်တလောမှာ တောက်လျောက် ခြေစွမ်းပြနေတာကြောင့် မကြာသေးခင်ကပဲ FWA တစ်နှစ်တာ အကောင်းဆုံး ဘောလုံးသမားဆု (FWA Footballer of the Year) ကို ဆွတ်ခူးရရှိခဲ့ပါတယ်။ ဒါပေမယ့််လည်း လာမယ့် နွေရာသီမှာ အသင်းရဲ့ ကွင်းလယ်ပိုင်းကို ပြန်လည် တည်ဆောက်ဖို့ အတွက် ရန်ပုံငွေ ရှာဖွေတဲ့ အနေနဲ့ ဘရူနိုကို တန်ဖိုးကြီးကြီးနဲ့ ရောင်းထုတ်လိမ့်မယ် ဆိုတဲ့ သတင်းတွေ ကတော့ ဆက်လက် ထွက်ပေါ်နေဆဲ ဖြစ်ပါတယ်။
ပြီးခဲ့တဲ့ နွေရာသီက ဘရူနိုကို ခေါ်ယူဖို့ ကြိုးပမ်းခဲ့ပေမယ့် မအောင်မြင်ခဲ့တဲ့ ဆော်ဒီအာရေဗျ ကလပ်တွေက သူ့ကို ခေါ်ယူဖို့ စိတ်ဝင်စားနေဆဲ ဖြစ်သလို၊ ပရီးမီးယားလိဂ်ရဲ့ တစ်ရာသီ အတွင်း ဂိုးဖန်တီးမှု အများဆုံး စံချိန်ကို ချိုးဖျက်ဖို့ လက်တစ်ကမ်းအလို ရောက်ရှိနေတဲ့ ကစားသမား တစ်ဦး ဖြစ်တာကြောင့် ဥရောပ ကလပ်တွေ ကလည်း အသေအချာကို စိတ်ဝင်စားနေကြမှာ သေချာပါတယ်။
FWA နဲ့ ပြုလုပ်ခဲ့တဲ့ အင်တာဗျူးမှာ ဘရူနိုက ဝိန်း ရွန်နီ၊ ခရစ္စတီယာနို ရော်နယ်ဒိုနဲ့ ဆာဘော်ဘီ ချာလ်တန် တို့လို ကလပ် ဂန္ထဝင်တွေရဲ့ ခြေရာကို နင်းပြီး ဒီနှစ်ပတ်လည်ဆုကို ရရှိခဲ့တဲ့ အတွက် ဂုဏ်ယူမိကြောင်း ပြောကြားခဲ့ပါတယ်။ ဒါပေမယ့် ယူနိုက်တက်မှာ သူချန်ရစ်ခဲ့မယ့် သမိုင်းမှတ်တိုင် အပေါ် မှာတော့ အပြည့်အဝ ကျေနပ်မှု မရှိသေးကြောင်း ဝန်ခံခဲ့ပါတယ်။
“ကျွန်တော် ကလပ် အသင်းနဲ့ အတူ အောင်မြင်မှုတွေ ရယူပြီး အဲဒီ ကစားသမားတွေ အောင်မြင်ခဲ့သမျှ အရာအားလုံးကို ရယူချင်ပါတယ်။ ဒါပေမယ့် ဒီဆုကို ရရှိပြီး သူတို့နဲ့ တစ်တန်းတည်း နာမည် ရလာတာက ကျွန်တော့် အတွက်တော့ အရမ်းကို အရေးကြီးပါတယ်၊ ဒါကိုလည်း ကျွန်တော် ဖုံးကွယ်မထားပါဘူး။”
“ဒါက ကျွန်တော့် အတွက် အမြဲတမ်း မျှော်မှန်းထားတဲ့ ဆုလာဘ်ပါပဲ။ အဲဒါက ကျွန်တော့်ရဲ့ ရည်မှန်းချက်လည်း ဖြစ်ပါတယ်။ ဒါကို ကျွန်တော် ဘယ်တုန်းကမှ ဖုံးကွယ်မထားခဲ့ပါဘူး။ ကျွန်တော်က အရာရာကို ဖုံးကွယ်ထားတတ်တဲ့ လူစားမျိုး မဟုတ်ပါဘူး။ ကျွန်တော် ဘာကို ရယူချင်လဲ၊ ဘာကို အောင်မြင်ချင်လဲ ဆိုတာနဲ့ ပတ်သက်ပြီး လွတ်လွတ်လပ်လပ် ပွင့်ပွင့်လင်းလင်း ပြောလေ့ ရှိပါတယ်။ အခု ကျွန်တော် အောင်မြင်ချင်တာ ကတော့ ပရီးမီးယားလိဂ် ဖလားနဲ့ ချန်ပီယံလိဂ် ဖလားတို့ကို ဆွတ်ခူးဖို့ပါပဲ။” လို့ ဘရူနို ဖာနန်ဒက်စ်က ပြောကြားခဲ့ပါတယ်။
ဘရူနိုရဲ့ ဒီရာသီ ကစားသမားဘဝ စာရင်းဇယားတွေကို ကြည့်လိုက်မယ် ဆိုရင် ‘ယူနိုက်တက်က သူ့ကို ဘာကြောင့် ရောင်းဖို့ စဉ်းစားရမှာလဲ’ဆိုတဲ့ မေးခွန်းက ချက်ချင်း ထွက်ပေါ်လာမှာ ဖြစ်ပါတယ်။ ဒီရာသီမှာ ၈ ဂိုး သွင်းယူထားပြီး မယုံကြည်နိုင်လောက်စရာ ဂိုးဖန်တီးမှု ၁၉ ကြိမ် အထိ ပြုလုပ်ထားနိုင်တဲ့ ဘရူနိုဟာ သူ့ရဲ့ ကစားသမား ဘဝမှာ အကောင်းဆုံး ပုံစံ တစ်ခုကို ပြသနေတာ ဖြစ်ပါတယ်။ အထူးသဖြင့် ဇန်နဝါရီလက ယာယီ နည်းပြ မိုက်ကယ် ကာရစ် (Michael Carrick) ရောက်ရှိလာပြီး နောက်ပိုင်း ပရီးမီးယားလိဂ် ကလပ်ရဲ့ အောင်မြင်မှု တော်တော်များများဟာ သူ့အပေါ်မှာ တိုက်ရိုက် မူတည်နေခဲ့တာ ဖြစ်ပါတယ်။
အသက် ၃၁ နှစ် အရွယ် ရှိပြီ ဖြစ်တဲ့ ဘရူနိုရဲ့ ကစားသမားဘဝဟာ နောက်ဆုံး အချိန်ကာလ အပိုင်းအခြားကို ရောက်ရှိနေပြီ ဆိုတာ ငြင်းလို့ မရပေမယ့်၊ လက်ရှိမှာတော့ ခြေစွမ်းကျဆင်းသွားမယ့် အရိပ်အယောင်မျိုး လုံးဝ မပြသသေးပါဘူး။ သူဟာ အိုးထရက်ဖို့ဒ်ရဲ့ ရေရှည်စီမံကိန်းမှာ ပါဝင်ချင်မှ ပါဝင်တော့မှာ ဖြစ်ပေမယ့်၊ အသင်းကို တောက်ပတဲ့ အနာဂတ်ဆီ ဦးဆောင်ခေါ်သွားနိုင်စွမ်း ရှိပါ့မလား ဆိုတဲ့ သံသယ ဖြစ်ဖွယ်တော့ မရှိပါဘူး။ ဒါပေမယ့် စိတ်မကောင်းစရာ ကတော့ ဘရူနိုဟာ ခေတ်သစ် ဘောလုံးလောကရဲ့ ‘အရှုံးအမြတ် တွက်ချက်တတ်တဲ့ စီးပွားရေးဆန်တဲ့ အမြင်’ရဲ့ သားကောင် ဖြစ်သွားနိုင်တာပါပဲ။
ယူနိုက်တက်ဟာ ပြီးခဲ့တဲ့ နွေရာသီက ကစားသမား ခေါ်ယူမှုတွေမှာ ငွေကြေး အမြောက်အမြား အသုံးပြုခဲ့သလို၊ လာမယ့် နွေရာသီ မှာလည်း ကွင်းလယ်ပိုင်းကို ပြန်လည် အားဖြည့်ဖို့ အတွက် ဒေါ်လာ ၂၆၉ သန်း (ပေါင် သန်း ၂၀၀) မက အသုံးပြုဖို့ မျှော်လင့်ထားကြပါတယ်။ ခါးသီးတဲ့ လက်တွေ့အရှိတရား ကတော့ အဲဒီလို ကစားသမားသစ်တွေ ခေါ်ယူဖို့ ရန်ပုံငွေ ရှာဖွေတဲ့ နေရာမှာ အသင်းမှာ ရှိတဲ့ ကစားသမား တချို့ကို ပြန်လည် ရောင်းချရမှာ ဖြစ်ပြီး၊ ဘရူနိုဟာ အသင်းရဲ့ တန်ဖိုးအရှိဆုံး ပိုင်ဆိုင်မှုတွေ ထဲက တစ်ဦး ဖြစ်နေတာပါပဲ။
ဘရူနို ဘက်ကတော့ ယူနိုက်တက်မှာပဲ ဆက်ရှိနေချင်တယ် ဆိုတာကို ရှင်းရှင်းလင်းလင်း ပြသထားပေမယ့်၊ အကယ်၍ ကလပ် အသင်း ဘက်က သူ့ကို ရောင်းထုတ်ပြီး ငွေကြေး အဖြစ် ပြောင်းလဲချင်တယ် ဆိုရင်လည်း ကန့်ကွက်တားဆီးမှာ မဟုတ်ပါဘူး။ အိုးထရက်ဖို့ဒ်ရဲ့ တာဝန်ရှိသူတွေ အနေနဲ့ ဘရူနိုကို ‘ကစားသမားတစ်ဦး’အနေနဲ့ လက်လွတ် ဆုံးရှုံးချင်စိတ် မရှိကြပေမယ့်၊ ‘အသင်းရဲ့ ပိုင်ဆိုင်မှု တန်ဖိုး’အနေနဲ့ ကြည့်မယ်ဆိုရင်တော့ သူ ထွက်ခွာသွားခြင်း ကနေ အသင်း အတွက် ငွေကြေး အများကြီး အထောက်အကူ ဖြစ်စေမှာ ဖြစ်ပါတယ်။
လာမယ့်ရာသီ ချန်ပီယံလိဂ် ဝင်ခွင့် ရရှိခဲ့ခြင်းက ယူနိုက်တက်ရဲ့ ဘဏ္ဍာရေး ဖိအားတွေကို တော်တော်လေး လျော့ပါးသွားစေမှာ ဖြစ်သလို၊ ဥရောပရဲ့ ထိပ်တန်းပြိုင်ပွဲမှာ ကစားရုံနဲ့တင် ဝင်ငွေ အမြောက်အမြား ရရှိဦးမှာ ဖြစ်ပါတယ်။ ဒါကြောင့် ဘရူနိုကို မဖြစ်မနေ ရောင်းချရမယ့် လိုအပ်ချက် ကတော့ လျော့နည်းသွားခဲ့ပါပြီ။ ဒါပေမယ့်လည်း ယူနိုက်တက်ရဲ့ လာမယ့် နွေရာသီ ကစားသမား ခေါ်ယူရေး အစီအစဉ် အတိုင်းအတာအရ ဘရူနို အသင်း ကနေ ထွက်ခွာနိုင်ချေဟာ အလွန် နည်းပါးတယ် ဆိုပေမယ့် လုံးဝ ဖြစ်မလာနိုင်ဘူးလို့တော့ အပိုင်တွက်လို့ မရနိုင်သေးပါဘူး။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
