ကမ္ဘာ့ဖလား ပြိုင်ပွဲ သမိုင်းတစ်လျှောက်မှာ အသက်အရွယ် ဆိုတာ ကိန်းဂဏန်း တစ်ခုရုံတင်ပါပဲလို့ သက်သေပြသွားခဲ့တဲ့ ဝါရင့် “ သက်ကြီးစာရင်းဝင်” ဂန္ထဝင်ကစားသမားကြီးတွေ ရှိပါတယ်။ အသက်ဘယ်လောက်ပဲကြီးကြီး နိုင်ငံတကာ စင်မြင့်ထက်မှာ ဂိုးတွေသွင်းပြီး အသင်းကို ကယ်တင်သွားခဲ့တဲ့ သမိုင်းတစ်လျှောက် အသက်အကြီးဆုံး ကမ္ဘာ့ဖလား ဂိုးသွင်းရှင် ၁၀ ယောက် အကြောင်းနဲ့ စိတ်ဝင်စားစရာ မှတ်တမ်းတွေကို စုစည်းတင်ပြပေးလိုက်ပါတယ်။
ကမ္ဘာ့ဖလား သမိုင်းတစ်လျှောက် အသက်အကြီးဆုံး ဂိုးသွင်းရှင် ထိပ်ဆုံး ၁၀ ဦး
၁။ ရော်ဂျာ မီလာ (၄၂ နှစ်၊ ၃၉ ရက်) – ကင်မရွန်း vs ရုရှား (၂၈ ဇွန် ၁၉၉၄)
၂။ ပီပီ (၃၉ နှစ်၊ ၂၈၃ ရက်) – ပေါ်တူဂီ vs ဆွစ်ဇာလန် (၆ ဒီဇင်ဘာ ၂၀၂၂)
၃။ လီယွန်နယ် မက်ဆီ (၃၈ နှစ်၊ ၃၅၇ ရက်) – အာဂျင်တီးနား vs အယ်လ်ဂျီးရီးယား (၁၆ ဇွန် ၂၀၂၆)
၄။ စီရော်နယ်ဒို (၃၇ နှစ်၊ ၂၉၂ ရက်) – ပေါ်တူဂီ vs ဂါနာ (၂၄ နိုဝင်ဘာ ၂၀၂၂)
၅။ ဂန်နာ ဂရင် (၃၇ နှစ်၊ ၂၃” ၆ ရက်) – ဆွီဒင် vs အနောက်ဂျာမနီ (၂၄ ဇွန် ၁၉၅၈)
၆။ ကွာတမော့ ဘလန်ကို (၃၇ နှစ်၊ ၁၅၁ ရက်) – မက္ကဆီကို vs ပြင်သစ် (၁၇ ဇွန် ၂၀၁၀)
၇။ ဖိလစ်ပီ ဘာလွိုင်း (၃၇ နှစ်၊ ၁၂၀ ရက်) – ပနားမား vs အင်္ဂလန် (၂၄ ဇွန် ၂၀၁၈)
၈။ အော့ဒူလီယို ဗာရီလာ (၃၆ နှစ်၊ ၂၇၉ ရက်) – ဥရုဂွေး vs အင်္ဂလန် (၂၆ ဇွန် ၁၉၅၄)
၉။ မာတင် ပါလာမို (၃၆ နှစ်၊ ၂၂၇ ရက်) – အာဂျင်တီးနား vs ဂရိ (၂၂ ဇွန် ၂၀၁၀)
၁၀။ ဂျော့ချ် ဘရီဂီ (၃၆ နှစ်၊ ၁၅၂ ရက်) – ဆွစ်ဇာလန် vs အမေရိကန် (၁၈ ဇွန် ၁၉၉၄)
ထိပ်တန်း ဂိုးသွင်းရှင်များရဲ့ စိတ်ဝင်စားဖွယ် မှတ်တမ်းများ
၁။ ရော်ဂျာ မီလာ (၄၂ နှစ်၊ ၃၉ ရက်) – ကင်မရွန်း
၁၉၉၄ အမေရိကန် ကမ္ဘာ့ဖလားမှာ ကင်မရွန်း အသင်းက ရုရှားကို ၆-၁ နဲ့ အပြတ်အသတ် ရှုံးနိမ့်ခဲ့ပေမယ့်၊ လူစားဝင် တိုက်စစ်မှူး ရော်ဂျာ မီလာ ကတော့ အသင်း အတွက် ချေပဂိုး တစ်ဂိုး သွင်းယူပေးခဲ့ပါတယ်။ သူဟာ ၁၉၉၀ အီတလီ ကမ္ဘာ့ဖလားတုန်း ကလည်း အသက် ၃၈ နှစ်နဲ့ ဂိုးသွင်းပြီး စံချိန်တင်ထားခဲ့ပြီးသား ဖြစ်ပေမယ့်၊ ၄ နှစ်အကြာမှာ သူ့ရဲ့ စံချိန်ဟောင်းကို သူကိုယ်တိုင် ထပ်မံ ချိုးဖျက်ခဲ့တာပါ။ သူဟာ သမိုင်းတစ်လျှောက် အသက်အကြီးဆုံး ကမ္ဘာ့ဖလား ဂိုးသွင်းရှင် အဖြစ် ယနေ့တိုင် ရပ်တည်နေဆဲ ဖြစ်ပါတယ်။
၂။ ပီပီ (၃၉ နှစ်၊ ၂၈၃ ရက်) – ပေါ်တူဂီ
၂၀၂၂ ကာတာ ကမ္ဘာ့ဖလား ၁၆ သင်းအဆင့်မှာ ပေါ်တူဂီက ဆွစ်ဇာလန်ကို ၆-၁ နဲ့ ချက်ပြုတ်ခဲ့တဲ့ပွဲမှာ ဝါရင့်နောက်ခံလူကြီး ပီပီက ဘရူနို ဖာနန်ဒက်စ်ရဲ့ ထောင်ကန်ဘော ကနေ ခေါင်းတိုက် သွင်းယူခဲ့တာပါ။ ဒါဟာ သူ့ရဲ့ အသက်အကြီးဆုံး ရှုံးထွက်ဆင့် ဂိုးသွင်းရှင် မှတ်တမ်း ဖြစ်လာခဲ့သလို၊ သမိုင်းတစ်လျှောက် ဒုတိယမြောက် အသက်အကြီးဆုံး ဂိုးသွင်းရှင်လည်း ဖြစ်လာခဲ့ပါတယ်။
၃။ လီယွန်နယ် မက်ဆီ (၃၈ နှစ်၊ ၃၅၇ ရက်) – အာဂျင်တီးနား
မက်ဆီ ကတော့ ၂၀၂၆ ကမ္ဘာ့ဖလားရဲ့ အုပ်စု ပထမပွဲစဉ် ဖြစ်တဲ့ အယ်လ်ဂျီးရီးယားနဲ့ပွဲမှာ သူ့ရဲ့ အာဂျင်တီးနား လက်ရွေးစင် ပွဲ ၂၀၀ ပြည့်မြောက်မှုကို ဂိုးသွင်းပြီး အောင်ပွဲခံသွားခဲ့တာပါ။ ဒီဂိုးကြောင့် သူဟာ ကမ္ဘာ့ဖလား သမိုင်းမှာ တတိယမြောက် အသက်အကြီးဆုံး ဂိုးသွင်းရှင် ဖြစ်လာခဲ့သလို၊ ကမ္ဘာ့ဖလား ပြိုင်ပွဲ ၆ ကြိမ်ဆက် ကစားခွင့်ရတဲ့ ပထမဆုံးသော ကစားသမား အဖြစ်လည်း မှတ်တမ်းဝင်သွားခဲ့ပါတယ်။
၄။ ခရစ္စတီယာနို ရော်နယ်ဒို (၃၇ နှစ်၊ ၂၉၂ ရက်) – ပေါ်တူဂီ
၂၀၂၂ ကမ္ဘာ့ဖလား အုပ်စုအဖွင့်ပွဲ ဂါနာနဲ့ ပွဲစဉ်မှာ ရော်နယ်ဒိုက ပင်နယ်တီ ကနေ တစ်ဆင့် အဖွင့်ဂိုး သွင်းယူပေးခဲ့ပါတယ်။ ထိုစဉ်က သူဟာ ဒုတိယမြောက် အသက်အကြီးဆုံး ဂိုးသွင်းရှင် ဖြစ်ခဲ့ပေမယ့် ရက်သတ္တပတ် အနည်းငယ် အကြာမှာပဲ သူ့ရဲ့ အသင်းဖော် ပီပီက ဒီစံချိန်ကို ကျော်ဖြတ်သွားခဲ့တာ ဖြစ်ပါတယ်။
၅။ ဂန်နာ ဂရင် (၃၇ နှစ်၊ ၂၃၆ ရက်) – ဆွီဒင်
၁၉၅၈ ကမ္ဘာ့ဖလား ဆီမီးဖိုင်နယ် အနောက်ဂျာမနီနဲ့ ပွဲမှာ ဆွီဒင်ကို ၃ ဂိုး-၁ ဂိုးနဲ့ နိုင်စေမယ့် ဦးဆောင်ဂိုးကို သွင်းယူပေးခဲ့တာပါ။ ၂၀၁၈ တုန်းက ရုရှားနောက်ခံလူ ဆာဂေး အစ်ဂ်နာရှီဗစ်ချ်က အသက် ၃၈ နှစ်နဲ့ စပိန်ပွဲမှာ ကိုယ့်ဂိုးကိုယ် ပြန်သွင်းမိခဲ့ဖူးပေမယ့် ကိုယ့်ဂိုးကိုယ်သွင်းတဲ့ မှတ်တမ်း ဖြစ်လို့ ဒီစာရင်းထဲမှာ ထည့်သွင်း မတွက်ချက်ထားပါဘူး။
တခြား ထူးခြားတဲ့ အသက်အရွယ်ဆိုင်ရာ ဂိုးမှတ်တမ်းများ
ကမ္ဘာ့ဖလား သမိုင်းတစ်လျှောက် အသက်အကြီးဆုံး ဟက်ထရစ်ရှင် – ပေါ်တူဂီ စူပါစတား ခရစ္စတီယာနို ရော်နယ်ဒို ဖြစ်ပါတယ်။ သူဟာ ၂၀၁၈ ကမ္ဘာ့ဖလားတုန်းက စပိန် အသင်းနဲ့ ၃ ဂိုးစီ သရေကျခဲ့တဲ့ ပွဲမှာ အသက် ၃၃ နှစ်နဲ့ ၁၃၀ ရက် အရွယ်နဲ့ ဟက်ထရစ် သွင်းယူခဲ့တာ ဖြစ်ပါတယ်။
ကမ္ဘာ့ဖလား ဗိုလ်လုပွဲမှာ ဂိုးသွင်းနိုင်တဲ့ အသက်အကြီးဆုံး ကစားသမား – ၁၉၅၈ ခုနှစ် ဗိုလ်လုပွဲမှာ ဆွီဒင် တိုက်စစ်မှူး နီလ်း လိုက်ဒ်ဟုမ်းက ဘရာဇီးလ် ဘက်ကို အသက် ၃၅ နှစ်နဲ့ ၂၆၄ ရက် အရွယ်နဲ့ အဖွင့်ဂိုး သွင်းခဲ့တာ ဖြစ်ပါတယ်။ ဒုတိယနဲ့ တတိယ နေရာတွေ မှာတော့ ၂၀၂၂ ဖိုင်နယ်တုန်းက ဂိုးတွေ အသီးသီး သွင်းခဲ့ကြတဲ့ လီယွန်နယ် မက်ဆီ (၃၅ နှစ်၊ ၁၇၇ ရက်) နဲ့ အန်ဟယ် ဒီမာရီယာ (၃၄ နှစ်၊ ၃၀၇ ရက်) တို့က ရပ်တည်နေကြပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
