ကနေဒါ အသင်းဟာ ကမ္ဘာ့ဖလား အုပ်စု နောက်ဆုံးပွဲ အဖြစ် ဆွစ်ဇာလန်နဲ့ မရင်ဆိုင်ခင်မှာ အုပ်စု ပထမနေရာ ရယူနိုင်ဖို့ဟာ သူတို့ရဲ့ ‘နံပါတ်တစ်ပစ်မှတ်’ ဖြစ်တယ်လို့ နည်းပြ ဂျက်ဆီ မာ့ရှ်က ပြတ်ပြတ်သားသား ပြောကြားလိုက်ပါတယ်။
ပြီးခဲ့တဲ့ပွဲမှာ ကာတာကို ၆-၀ နဲ့ ဂိုးပြတ်နိုင်ခဲ့ပေမယ့် ကနေဒါဟာ ကမ္ဘာ့ဖလား ၃၂ သင်းအဆင့်ကို တက်ရောက်ဖို့ မသေချာသေးပါဘူး။ ဒါပေမယ့် ကံကြမ္မာကို သူတို့ ကိုယ်တိုင် ဖန်တီးခွင့်ရှိနေဆဲပါ။ ဗန်ကူးဗားမြို့က BC Place ကွင်းမှာ ကစားမယ့်ပွဲမှာ ကနေဒါ အနေနဲ့ မရှုံးအောင် ကစားနိုင်ရင် အုပ်စုဗိုလ် အဖြစ်နဲ့ နောက်တစ်ဆင့် ပွဲစဉ် ကိုလည်း ဒီ ဗန်ကူးဗားမြေမှာပဲ ဆက်လက် ကစားခွင့်ရမှာ ဖြစ်ပါတယ်။ လက်ရှိ တွက်ချက်မှုတွေ အရတော့ အုပ်စုပထမရရင် ဘယ်လ်ဂျီယံ (သို့မဟုတ်) အုပ်စု E, F, I, J က အကောင်းဆုံး အုပ်စု တတိယ အသင်းတွေနဲ့ ရင်ဆိုင်ရဖို့ ရှိနေပါတယ်။
တစ်ဖက်က ဆွစ်ဇာလန် ကလည်း ဘော့စနီးယားကို ၄-၁ နဲ့ နိုင်ထားပြီး ၂ သင်းစလုံး ၄ မှတ်စီ ရထားတာပါ။ ဆွစ်ဇာလန်ဟာ ၄ ကြိမ် ဆက်တိုက် ကမ္ဘာ့ဖလား နောက်တစ်ဆင့် တက်နိုင်ဖို့ မျှော်လင့်နေသလို၊ လက်ရှိ အခြေအနေအရ သူတို့က ပိုပြီး အသာစီးရနေတယ်လို့ အများက သုံးသပ်ကြပါတယ်။ ဒါပေမယ့် နည်းပြ ဂျက်ဆီ မာ့ရှ် ကတော့ ကမ္ဘာ့ဖလား အုပ်စု မဲခွဲကတည်းက ဒီလိုအခြေအနေမျိုး ရောက်လာမယ် ဆိုတာ ကြိုတင် ပြင်ဆင်ထားခဲ့တာလို့ ဆိုပါတယ်။
“ဒီဗန်ကူးဗားမှာပဲ ဆက်နေခွင့်ရဖို့က ကျွန်တော် တို့ရဲ့ နံပါတ်တစ် ပန်းတိုင်ပါပဲ။ လွန်ခဲ့တဲ့ ၂ နှစ်က ကျွန်တော် အုပ်စု ပထမ ရအောင် လုပ်မယ်လို့ ပြောတုန်းက လူတိုင်းက ကျွန်တော့်ကို ရူးနေတယ်လို့ ထင်ခဲ့ကြတာ။ ဒါပေမယ့် ဒါဟာ ကျွန်တော် မျှော်လင့်ထားတဲ့ အနေအထားပါပဲ။ ဆွစ်ဇာလန်နဲ့ တွေ့မယ်ဆိုကတည်းက နောက်ဆုံး ပွဲမှာ ဗန်ကူးဗားမှာ ဆက်နေခွင့်ရမယ့် အခွင့်အရေးမျိုးဖြစ်အောင် ကျွန်တော်တို့ ပြင်ဆင်ခဲ့တာမို့ အခုပွဲအတွက် အသင့်ပါပဲ။” လို့ မာ့ရှ်က ဆိုပါတယ်။
ကနေဒါ အသင်းဟာ ပြီးခဲ့တဲ့ ကာတာနဲ့ ပွဲမှာ (၆) ဂိုးအထိ သွင်းခဲ့တာကြောင့် ဒါဟာ သူတို့ အရင်က ကစားခဲ့တဲ့ ကမ္ဘာ့ဖလား ၇ ပွဲပေါင်းထက် သွင်းဂိုး ၂ ဆ ပိုများခဲ့သလို၊ ကမ္ဘာ့ဖလား သမိုင်းမှာ ပထမဆုံးအကြိမ် ပေးဂိုးမရှိ စံချိန်ရခဲ့တာလည်း ဖြစ်ပါတယ်။
ဒီပွဲဟာ ကမ္ဘာ့ဖလား ပြိုင်ပွဲမှာ သူတို့ရဲ့ ပထမဆုံး ထိပ်တိုက်တွေ့ဆုံမှု ဖြစ်ပါတယ်။ ၂၀၀၂ ခုနှစ်က ခြေစမ်းပွဲ မှာတော့ ကနေဒါက ၃-၁ နဲ့ နိုင်ခဲ့ဖူးပြီး အဲဒီတုန်းက လက်ရှိ ဆွစ်ဇာလန် နည်းပြ မူရတ်ယာကင်ဟာ ဆွစ်ဇာလန် အတွက် နောက်ခံလူ အဖြစ် ပါဝင်ကစားခဲ့ဖူးပါတယ်။ Opta စူပါကွန်ပျူတာရဲ့ အချက်အလက်ပေါင်း ၁၀,၀၀၀ ကျော်ကို အခြေခံပြီး တွက်ချက်မှုအရ ဆွစ်ဇာလန် အနိုင်ရနိုင်ခြေ ၄၄.၂% ရှိပြီး၊ ကနေဒါ အနိုင်ရနိုင်ခြေ ကတော့ ၂၇.၈% ရှိပါတယ်။ သရေကျဖို့ ရာခိုင်နှုန်း ကတော့ ၂၈% ရှိပြီး သရေကျရင်လည်း ကနေဒါ အုပ်စုပထမ ရမှာ ဖြစ်ပါတယ်။
ဒါပေမယ့် နည်းပြ မာ့ရှ် ကတော့ သရေတစ်မှတ် ရဖို့ အတွက်ပဲ ပိတ်ကစားမယ့် အိုင်ဒီယာကို သဘောမကျပါဘူး။ “သရေရဖို့ ရည်ရွယ်ချက်နဲ့ ကွင်းထဲဆင်းတာဟာ သရေကျဖို့ အဆိုးရွားဆုံး နည်းလမ်းပဲ။ အနိုင် ရဖို့ပဲ ကစားရမယ်၊ ပြီးမှ ပွဲအခြေအနေအရ လူစားလဲမှုတွေ၊ တည်းဖြတ်မှုတွေနဲ့ ရလဒ်ကို ထိန်းကျောင်းသွားရမှာပါ။” လို့ သူက ထပ်လောင်း ပြောကြားခဲ့ပါတယ်။ ဒီတော့ ကနေဒါတို့ အိမ်ကွင်း ပရိသတ်ရှေ့မှာ အုပ်စု ပထမနေရာကို သိမ်းပိုက်နိုင်မလားဆိုတာ စောင့်ကြည့်ရတော့မှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
