အေစီမီလန် ကတော့ အခုတပတ် စီးရီးအေ ပွဲစဉ် ၂၇ မှာ ခရီမီနိစ်ကို မိနစ် ၉၀ ကျော် သွင်းဂိုး ၂ ဂိုးနဲ့ အနိုင်ရရှိခဲ့ပါတယ်။ ဒါကြောင့် အေစီမီလန်က ပါးမားကို ရှုံးနိမ့်ခဲ့တဲ့ စိတ်ပျက်စရာ ရလဒ်ကို အောင်မြင်စွာ ကျော်ဖြတ်နိုင်ခဲ့ပြီး စီးရီးအေ အဆင့် (၂) နေရာမှာ ခိုင်မာစွာ ရပ်တည်နိုင်ခဲ့ပြီ ဖြစ်ပါတယ်။
အေစီမီလန်ဟာ နိုင်ပွဲ ရခဲ့ပေမယ့် အဝေးကွင်း ခက်ခက်ခဲခဲ ကစားခဲ့ရပြီး နောက်ဆုံး မှာတော့ သူတို့ လိုချင်တဲ့ ရလဒ်ကို ပိုင်ဆိုင်ခဲ့တာ ဖြစ်ပါတယ်။ ဒါကြောင့် နည်းပြ ဖြစ်သူ မက်စီမီလီယာနို အယ်လီဂရီက အသင်းရဲ့ စွမ်းဆောင်ရည်ကို ပွဲအပြီးမှာ ချီးကျူးသွားခဲ့ပါတယ်။
ပြီးခဲ့တဲ့တပတ်က ဆန်စီရိုကွင်းမှာ ပါးမားကို ၁-၀ နဲ့ ရှုံးနိမ့်ခဲ့တာကြောင့် အေစီမီလန်ရဲ့ (၂၄) ပွဲဆက် ရှုံးပွဲမရှိ စံချိန်က ကျိုးပျက်ခဲ့ရပါတယ်။ အခု ခရီမိုနိစ်နဲ့ ပွဲမှာလည်း ပွဲချိန် ၈၉ မိနစ် အထိ ဂိုးမရှိ သရေ ဖြစ်နေလို့ (၃) ပွဲဆက် နိုင်ပွဲ ပျောက်ဆုံးဖို့ နီးစပ်ခဲ့ပေမယ့် အေစီမီလန်ဟာ နောက်ဆုံး မိနစ် သွင်းဂိုးတွေနဲ့ အနိုင်ရရှိခဲ့တာ ဖြစ်ပါတယ်။
အေစီမီလန် အတွက် အဖွင့်ဂိုး ကိုတော့ ပွဲချိန် ၈၉ မိနစ်မှာ စထရာဟင်ဂျာ ပက်ဗလိုဗစ် သွင်းယူပေးခဲ့တာ ဖြစ်ပါတယ်။ အဲဒီနောက် နာကျင် အချိန်ပိုမှာ ရာဖေးလ် လီယာအိုက ဒုတိယဂိုး သွင်းယူခဲ့တာကြောင့် မီလန်တို့ ၂-၀ နဲ့ အနိုင်ရရှိခဲ့ပြီး ဇယားထိပ်က အင်တာမီလန်နဲ့ (၁၀) မှတ် အကွာကို ပြန်လည် ရောက်ရှိလာခဲ့ပါတယ်။
ဥရောပ ထိပ်သီးလိဂ် (၅) ခုမှာ အဝေးကွင်း ရှုံးပွဲ မရှိသေးတဲ့ အသင်း (၂) သင်းပဲ ရှိပါတော့တယ် (အေစီမီလန်နဲ့ ဘေယန်မြူးနစ်)။ နိုင်ပွဲ ရရင် ၃ မှတ် ပေးတဲ့ စနစ် စတင်ပြီး နောက်ပိုင်း အေစီမီလန် အနေနဲ့ အဝေးကွင်း (၁၄) ပွဲဆက် ရှုံးပွဲ မရှိတာဟာ သမိုင်းမှာ ဒုတိယအကြိမ်မြောက် ဖြစ်ပါတယ်။ (ပထမအကြိမ်မှာ ၂၀၀၃-၂၀၀၄ ရာသီက ၁၆ ပွဲဆက် စံချိန် ဖြစ်ပါတယ်)။
ခရီမိုနိစ်နဲ့ ပွဲမှာ အေစီမီလန်ဟာ ဂိုးရနိုင်ခြေ မျှော်မှန်းချက် (xG) ၃.၆ အထိ ရှိခဲ့ပြီး ဒါဟာ ဒီရာသီ သူတို့ရဲ့ အကောင်းဆုံး မှတ်တမ်း ဖြစ်ပါတယ်။ ဒါ့အပြင် ဒီရာသီ (၁၂) ပွဲမြောက် ဂိုးမပေးရတဲ့ ပွဲ (Clean Sheet) လည်း ဖြစ်ခဲ့ပါတယ်။
ပွဲအပြီးမှာတော့ အသက် ၅၈ နှစ်အရွယ် နည်းပြ မက်စ် အယ်လီဂရီက အခုလို ပြောကြားခဲ့ပါတယ်။ “ကျွန်တော်တို့ ပါးမားကို အိမ်ကွင်းမှာ ရှုံးထားလို့ ဒီပွဲမှာသာ ရလဒ် မကောင်းခဲ့ရင် တကယ်ကို ခက်ခဲသွားပါလိမ့်မယ်။ ပထမ မိနစ် ၃၀ မှာ ကစားသမားတွေ နည်းနည်း စိုးရိမ်စိတ်များနေကြတယ်၊ ဘာလို့လဲ ဆိုတော့ ၆ လလောက် ရှုံးပွဲမရှိဘဲ ကစားလာရာ ကနေ ပါးမားကို ရှုံးလိုက်ရတဲ့ ဒဏ်က သူတို့အပေါ် သက်ရောက်မှု ရှိနေလို့ပါ။ ဒါပေမယ့် ဒီနေ့ နိုင်ပွဲက ကျွန်တော် တို့ကို အဲဒီ စိတ်ဒဏ်ရာ ကနေ ကျော်ဖြတ်စေနိုင်ခဲ့ပါပြီ။” လို့ ဆိုပါတယ်။
ဆက်လက်ပြီး အယ်လီဂရီက လူစားဝင် ကစားသမားတွေ ဖြစ်တဲ့ ခရစ္စတိုဖာ အန်ကွန်ကူနဲ့ နစ်ကလပ်စ် ဖူးလ်ခရက်ဂျ် တို့ကိုလည်း ချီးကျူးခဲ့သလို၊ ဂိုးသွင်းခဲ့တဲ့ လီယာအိုနဲ့ ပူလီဆစ် တို့ရဲ့ တိုးတက်လာမှု ကိုလည်း အသိအမှတ်ပြုခဲ့ပါတယ်။ ရာဖေးလ် လီယာအိုဟာ လော်တာရို မာတီးနက်ဇ် ပြီးရင် စီးရီးအေ နောက်ဆုံး ၆ ရာသီ ဆက်တိုက် ဂိုးပါဝင် ပတ်သက်မှု ၁၀ ဂိုးထက် မနည်း လုပ်ဆောင်နိုင်တဲ့ ဒုတိယမြောက် ကစားသမား ဖြစ်လာခဲ့ပါတယ်။
အေစီမီလန်ဟာ လာမယ့် တပတ် မှာတော့ မြို့ခံပြိုင်ဘက် အင်တာမီလန်နဲ့ “ Derby della Madonnina” စီးရီးအေ ပွဲစဉ်ကို ရင်ဆိုင်ရမှာ ဖြစ်ပါတယ်။ ဒီပွဲဟာ ချန်ပီယံ မျှော်လင့်ချက် အတွက် ရမှတ် ကွာဟချက်ကို ထပ်မံလျှော့ချဖို့ ကြိုးစားရမှာပါ။ ဒါကြောင့် အယ်လီဂရီက “အခု ကျွန်တော် တို့မှာ ဒါဘီပွဲ အတွက် ပြင်ဆင်ဖို့ တစ်ပတ် အချိန်ရပါပြီ။ ဒါဟာ တကယ့်ကို အံ့သြစရာကောင်းတဲ့ ပွဲတစ်ပွဲ ဖြစ်လာမှာပါ။” ဖြည့်စွက် ပြောကြားသွားခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
