ဝက်စ်ဟမ်းကို ရှုံးလို့ ချန်ပီယံလိဂ် ဝင်ခွင့် မသေချာတော့တဲ့ ယူနိုက်တက်၊ အမှားတွေ များနေတဲ့ ဒဟဲယားကို အသင်းမှာ ဆက်ရှိနေစေချင်တဲ့ တန်ဟက်ဂ် အစရှိတဲ့ သတင်းတွေ အပါအဝင် မေလ ၈ ရက်နေ့ရဲ့ ပရီးမီးယားလိဂ် သတင်း တချို့ကို ဖော်ပြပေးသွားမှာ ဖြစ်ပါတယ်။
ဝက်စ်ဟမ်းကို ရှုံးလို့ ချန်ပီယံလိဂ်ဝင်ခွင့် မသေချာတော့တဲ့ ယူနိုက်တက်
မန်ချက်စတာယူနိုက်တက် ကတော့ နယူးကာဆယ် ရှုံးပွဲ ကြုံချိန်မှာ အခွင့်အရေး မယူနိုင်တဲ့ အပြင် ဝက်စ်ဟမ်းကို အရေးပါနိမ့်ခဲ့လို့ ပရီးမီးယားလိဂ်မှာ အဆင့် ၄ နေရာတောင် မသေချာတဲ့ အနေအထား ဖြစ်လာပါပြီ။ ညက ပွဲမှာ ဂိုးသမား ဒါးဗစ် ဒဟဲယားရဲ့ အမှား ကနေ တစ်လုံးတည်း အနိုင်ဂိုးကို ပေးလိုက်ရကာ အရေးနိမ့်ခဲ့ပြီး လစ်ဗာပူးလ်နဲ့ ရမှတ် ၁ မှတ်သာ ကွာဟပါတော့တယ်။
ယူနိုက်တက်ရဲ့ ခြေစွမ်းက တော်တော်လေး စိတ်ပျက်စရာ ကောင်းခဲ့ပြီး တိုက်စစ်က သုံးစားမရသလို ခံစစ်နဲ့ ဂိုးသမား ကလည်း အာပလာကို ဖြစ်ခဲ့တာပါ။ ဒဟဲယား ကတော့ အဆိုးဝါးဆုံး ဖြစ်ပြီး လူပေးတာတွေ တလွဲတွေချည်း ဖြစ်ခဲ့သလို ပွဲချိန်တွင်း ကာကွယ်ပုံတွေ ကလည်း အားနည်းချက်တွေ အများကြီးရှိခဲ့ကာ လူပေးလိုက်သလို ကန်သွင်းတဲ့ ဘောလုံးကို ကာကွယ်တာလည်း မမိခဲ့လို့ ဂိုးပေးခဲ့ရပါတယ်။
ဒီပွဲ ကိုသာ ယူနိုက်တက် အနိုင်ရခဲ့မယ် ဆိုရင် အဆင့် ၃ နေရာ ကိုပါ တက်နိုင်မှာပါ။ ဒီအခွင့်အရေးကို မရခဲ့တဲ့ အပြင် အခု သူတို့ ရောက်နေတဲ့ အဆင့် ၄ နေရာ ကိုပါ ဖယ်ပေးရနိုင်တဲ့ အခြေအနေ ဖြစ်သွားပါပြိ။ ရာသီကုန်မှ ချန်ပီယံလိဂ် ဝင်ခွင့် မရရင်တော့ တန်ဟက်ဂ်ရဲ့ ယူနိုက်တက် နည်းပြ ဘ၀ ပထမဆုံး ဘောလုံးရာသီက မအောင်မြင်ဘူးလို့ ပြောရမှာပါပဲ။
အမှားတွေ များနေတဲ့ ဒဟဲယားကို အသင်းမှာ ဆက်ရှိနေစေချင်တဲ့ တန်ဟက်ဂ်
မန်ချက်စတာ ယူနိုက်တက် နည်းပြ အဲရစ်ခ်တန် ဟက်ဂ် ကတော့ ဝက်စ်ဟမ်း ယူနိုက်တက်နဲ့ပွဲမှာ မပေးသင့်တဲ့ ဂိုးကို ခွင့်ပြုခဲ့ရတဲ့ ဂိုးသမား ဒါးဗစ် ဒဟဲယားကို စာချုပ်သက်တမ်းတိုးဖို့ အတွက် ပြောဆိုလိုက်ပါတယ်။ ဒီရာသီမှာ ပြိုင်ဘက်ကို ဦးဆောင်ဂိုး ၄ ကြိမ် အထိ သူ့အမှား ကနေ ခွင့်ပြုခဲ့ရပြီး ညကပွဲ မှာလည်း လက်စွမ်းမပြနိုင်ခဲ့ဘဲ သူ့ကြောင့် အသင်း အရေးနိမ့်ခဲ့တယ်လို့တောင် ဆိုရမှာပါ။
ဝက်စ်ဟမ်း ကစားသမားရဲ့ ကန်သွင်းချက်ဟာ ဘာမှ ကြီးမားတဲ့ အန္တရာယ် မရှိခဲ့ပေမယ့် ဒဟဲယား ကတော့ အံ့အားသင့်ဖွယ်ရာကို မှားယွင်းခဲ့တာပါ။ ပွဲချိန် အတွင်း မှာလည်း သူ့ရဲ့ အမှားတွေ ကနေ နောက်ထပ် ၂ ဂိုး အထိ ပေးခဲ့ရပြီး လူကျွံဘောနဲ့ ပြစ်ဒဏ်ဘောတွေ ဖြစ်ခဲ့လို့သာ ဂိုးမပေးရခဲ့တာပါ။ ဒါပေမယ့် တန်ဟက်ဂ် ကတော့ သူ့ဂိုးသမားကို စာချုပ်သစ်ချုပ်ဖို့ ကိုသာ ပွဲအပြီးမှာ ပြောခဲ့ပါတယ်။
“ ကျနော်တို့ ဒါးဗစ် ဒဟဲယားကို အသင်းမှာ ဆက်နေစေချင်ပါတယ်၊ သူ့ကို စာချုပ် သက်တမ်းတိုးမြှင့်ရမှာပါ၊ လာမယ့် ရာသီမှာလည်း ကျနော် တို့နဲ့ အတူ သူ့ကို ဆက်ရှိနေစေချင်ပါတယ်” လို့ ပြောဆိုသွားခဲ့ပါတယ်။ ဒီပြောဆိုမှု အပေါ်မှာ ယူနိုက်တက် ပရိသတ်တွေ ဒေါသထွက်နေကြပြီး အသင်း ကနေ ရှင်းထုတ်ရတော့မှာ သိသိနဲ့ နည်းပြက ဒီလိုတွေ လုပ်နေတဲ့ အပေါ် စိတ်ပျက်လက်ပျက်လည်း ဖြစ်နေကြပါတယ်။
ဘယ်လိုမှ သုံးမရတဲ့ မာရှယ်ကို ရောင်းထုတ်ဖို့ တန်ဟက်ဂ်ကို အလန်ရှီးယား တိုက်တွန်း
ဘောလုံးပွဲ ဝေဖန်သုံးသပ်သူ အလန်ရှီးယားက အန်တိုနီ မာစီရယ်ကို ရောင်းထုတ်ဖို့ အတွက် မန်ချက်စတာ ယူနိုက်တက် နည်းပြ အဲရစ်ခ် တန်ဟက်ဂ်ကို တိုက်တွန်းလိုက်ပါတယ်။ မာစီရယ်ဟာ ယူနိုက်တက် အတွက် ခြေစွမ်းမပြနိုင် ဖြစ်နေပြီး ညက ဝက်စ်ဟမ်းနဲ့ ပရီးမီးယားလိဂ် ပွဲစဉ် မှာလည်း လူစားဝင် ကစားခဲ့ပေမယ့် ဘာမှထိထိရောက်ရောက် မလုပ်ပြနိုင်ခဲ့ပါဘူး။
ရှီးယားက “ မာစီရယ်က ယူနိုက်တက်မှာ လုံလောက်တဲ့ အချိန်တွေ ရခဲ့ပြီးပါပြီ၊ သူ့အတွက် ဘာမှ ကြီးကြီးကျယ်ကျယ် ဆုံးဖြတ်စရာတောင် မလိုပါဘူး၊ ဒီအတွက် ဆုံးဖြတ်ချက်က ချပြီးသားလို့ ကျနော် ထင်တယ်၊ သူ အဲဒီမှာ ရှိနေတာ ကြာပြီ၊ အခွင့်အရေးလည်း လုံလုံလောက်လောက် ရပြီးနေပြီ၊ သူသာ တကယ် ကောင်းမွန်ရင် ပွဲထွက်ခွင့် ရနေမှာပေါ့”
“ သူလည်း ဂိုးတွေသွင်းနိုင်ရမှာပဲ၊ အခုကတော့ သူ့အတွက် အချိန်တွေကုန်ပြီး အလုပ်လည်းမဖြစ်ဘူး၊ ဝက်ဂ်ဟော့စ်က သူ့ကိုကျော်ပြီး ပွဲထွက်ခွင့်ရနေတယ် ဆိုကတည်းက ဒါက ပြသနာပါပဲ” လို့ ပြောဆိုသွားခဲ့ပါတယ်။ မာစီရယ်ဟာ ပြီးခဲ့တဲ့ ရာသီကလည်း ဆီဗီလာကို အငှားနဲ့ ထွက်ကစားခဲ့ရပြီး ခြေစွမ်းမပြနိုင်လို့ ပြန်ရောက်လာခဲ့ကာ အခုလည်း ခြေစွမ်းပျောက်နေတာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
