ညက ကစားခဲ့တဲ့ ပရီးမီးယားလိဂ် ပွဲစဉ်မှာ တော့တင်ဟမ်ဟော့စပါးဟာ တန်းဆင်းဇုန် ကနေ ရုန်းထွက်နိုင်ဖို့ နီးစပ်ခဲ့ပေမဲ့ ပွဲပြီးခါနီးမှာ ဘရိုက်တန် တိုက်စစ်မှူး ရူတာရဲ့ ချေပဂိုးကြောင့် မျှော်လင့်ချက်တွေ ကြေမွခဲ့ရပါတယ်။
ပွဲအပြီးမှာ တော့တင်ဟမ်ဟော့စပါး နည်းပြ ရော်ဘတ်တို ဒီဇာဘီက သူ့ ကစားသမားတွေရဲ့ “ စိတ်ဓာတ် ခိုင်မာမှုနဲ့ ကြိုးစား အားထုတ်မှု” အပေါ် ချီးကျူးခဲ့ပေမယ့် ပရီးမီးယားလိဂ်မှာ ဆက်ရှိနေဖို့ ရုန်းကန်နေရတဲ့ ပွဲစဉ်တွေမှာ ရမှတ်တွေ ထပ်မံ ဆုံးရှုံးနေရတာကြောင့် ကစားသမားတွေဟာ “ အလွန်အမင်း စိတ်ဆင်းရဲမှုကို ခံစားနေရတယ်” လို့ ဝန်ခံ ပြောကြားခဲ့ပါတယ်။
တော့တင်ဟမ်ကွင်းမှာ ကစားခဲ့တဲ့ အဲဒီ ပွဲစဉ်မှာ အိမ်ရှင် တော့တင်ဟမ်ဟော့စပါးဟာ ပွဲကို နှစ်ကြိမ်တိုင်တိုင် ဦးဆောင်နိုင်ခဲ့ပေမယ့် အချိန်ပို နောက်ဆုံး မိနစ် ချေပဂိုးကြောင့် ၂-၂ သရေ ရလဒ်နဲ့သာ ကျေနပ်ခဲ့ရပါတယ်။ ဒီရလဒ်ကြောင့် တော့တင်ဟမ်ဟာ ရာသီကုန်ဖို့ ၅ ပွဲသာ လိုတော့တဲ့ အချိန်မှာ ပရီးမီးယားလိဂ် တန်းဆင်းဇုန် အတွင်း မှာပဲ ဆက်ရှိနေခဲ့ပါတယ်။
အကယ်၍ တနင်္ဂနွေနဲ့ တနင်္လာနေ့တွေမှာ ကစားမယ့် နော့တင်ဟမ်ဖောရက်စ်နဲ့ ဝက်စ်ဟမ်း တို့သာ နိုင်ပွဲ ရခဲ့ရင်တော့ တော့တင်ဟမ်ဟော့စပါးဟာ ဘေးကင်းဇုန်နဲ့ ၄ မှတ် အထိ ကွာဟသွားနိုင်ပါတယ်။ ဒါပေမယ့်လည်း နည်းပြသစ် ရော်ဘတ်တို ဒီဇာဘီ ကတော့ အကောင်းမြင်စိတ် အပြည့် ရှိနေဆဲပါ။
“ရလဒ်အတွက်ရော၊ အလွန်အမင်း စိတ်ဆင်းရဲနေရတဲ့ ကစားသမားတွေ အတွက်ပါ ကျွန်တော် စိတ်မကောင်းပါဘူး။ ဒီနေ့ပွဲမှာ ကျွန်တော်တို့ အနိုင်ရဖို့ ထိုက်တန်ခဲ့ပါတယ်။” လို့ ဒီဇာဘီက ဆိုပါတယ်။ ဆက်လက်ပြီး “ဒါပေမယ့် ကျွန်တော် ကတော့ အကောင်းမြင်ပါတယ်။ ကျွန်တော့် ကစားသမားတွေ အတွက် ဂုဏ်ယူတယ်။ သူတို့ဟာ စိတ်ဓာတ် ခိုင်ခိုင်မာမာနဲ့ အကောင်းဆုံး ကစားနိုင်ခဲ့ကြပါတယ်။ ဒီရလဒ်ထက် ကျွန်တော်တို့ ပိုပြီး သန်မာဖို့ လိုအပ်သလို၊ ရှေ့ဆက်လျှောက်ပြီး နောက်အပတ် ဝုဗ်နဲ့ ပွဲမှာ အနိုင်ရဖို့ ပြင်ဆင်ရပါမယ်။ ဒီနေ့ပွဲမှာ ကျွန်တော်တို့ ပန်းတိုင်ရောက်ဖို့ လိုအပ်တဲ့ စိတ်ဓာတ်၊ အရည်အချင်းနဲ့ စနစ်တကျ ကစားနိုင်မှုတွေကို မြင်တွေ့ခဲ့ရပါတယ်။” လို့ ပြောပါတယ်။
အဲဒီနောက် မှာတော့ “ကျွန်တော့်ကို ယုံကြည်ပြီး ဆက်လက် လိုက်ပါကြဖို့ ကစားသမားတွေကို ပြောထားပါတယ်။ အဆိုးမြင်စိတ်တွေ ဝင်ဖို့ လွယ်ကူပေမယ့် ကျွန်တော် တို့က ဒီနေ့ ပြသခဲ့တဲ့ စွမ်းဆောင်ရည် အပေါ် မှာပဲ အာရုံစိုက်ပြီး ပြန်လည် အနိုင်ရဖို့ ကြိုးစားရမှာပါ။ စိတ်ဓာတ်ပိုင်းကို ပြောင်းလဲနိုင်ဖို့က အရေးကြီးဆုံးပါပဲ။”
“ကျွန်တော်တို့ တန်းဆင်းဇုန် အတွက် တိုက်ပွဲဝင်နေရတာ မှန်ပါတယ်။ ဒါဟာ ခက်ခဲတဲ့ အချိန် တစ်ခုပါ။ ဒါပေမယ့် ဒီလို ပရိသတ်တွေ ရှိတဲ့ ကလပ်မှာ အလုပ်လုပ်ရတာ ကျွန်တော်တို့ အားလုံး ကံကောင်းပါတယ်။ ဒီနေ့ ကွင်းအတွင်းက အခြေအနေဟာ တန်းဆင်းဇုန် တိုက်ပွဲ မဟုတ်ဘဲ ချန်ပီယံလိဂ် ဝင်ခွင့် အတွက် ယှဉ်ပြိုင်နေရသလိုမျိုး ခမ်းနားပါတယ်။ အဆုံးအထိ ကျွန်တော်တို့ အကောင်းဆုံး တိုက်ပွဲဝင်သွားမှာပါ။” လို့ ဒီဇာဘီက ပြောကြားသွားခဲ့ပါတယ်။
ဒီနေ့ပွဲမှာ ဦးဆောင်ဂိုး သွင်းယူပေးခဲ့တဲ့ နောက်ခံလူ ပက်ဒရို ပေါ်ရို ကလည်း “ဒီပွဲ အပြီးမှာ စိတ်ပျက် အားငယ်နေဖို့ အချိန်မရှိပါဘူး။ ကျွန်တော်နဲ့ ကျွန်တော့် အသင်းဖော်တွေ အတွက် အကောင်းဆုံး အရာ ကတော့ ရှေ့ဆက်တိုးဖို့နဲ့ ကြိုးစားအားထုတ်ဖို့ပါပဲ။ ဒီနေ့ အသင်းရဲ့ စွမ်းဆောင်ရည်က တကယ်ကို ကောင်းမွန်ခဲ့ပါတယ်။ အခုအချိန်မှာ အကောင်းမြင်စိတ် ရှိနေဖို့က အရေးကြီးဆုံးပါ။” လို့ ထပ်လောင်း ပြောကြားခဲ့ပါတယ်။စပါးဟာ ပရီးမီးယားလိဂ် လက်ကျန် ပွဲစဉ်တွေ အဖြစ် ဝုဗ်၊ ဗီလာ၊ လိဒ်စ်၊ ချဲလ်ဆီး၊ အဲဗာတန် တို့နဲ့ ဆက်တိုက် ပွဲကြပ်တွေ ကစားရဦးမှာ ဖြစ်ပါတယ်။ ဒီအခြေအနေကြောင့် စပါးဟာ ချန်ပီယံရှစ်ဆီ ဆင်းကန်ရနိုင်ခြေက တဖြည်းဖြည်း ပိုမို မြင့်တက်လာခဲ့ပြီလည်း ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
