ပပ် ဂွါဒီယိုလာ မန်စီးတီး ကနေ ထွက်ခွာသွားခဲ့တာကြောင့် ပရီးမီးယားလိဂ်ရဲ့ လက်ရှိအချိန် သက်တမ်းအရှည်ဆုံး နည်းပြ နေရာက အပြောင်းအလဲ ဖြစ်သွားခဲ့ပါပြီ။ ကမ္ဘာပေါ်မှာ ပြိုင်ဆိုင်မှု အပြင်းထန်ဆုံးလို့ သတ်မှတ်ထားကြတဲ့ ပရီးမီးယားလိဂ်ဟာ နည်းပြတွေကို အချိန်မပေးပဲ ခပ်မြန်မြန် ထုတ်ပယ်လေ့ရှိတဲ့ လိဂ်ပြိုင်ပွဲ တစ်ခုလည်း ဖြစ်ပါတယ်။
ပြီးခဲ့တဲ့ ၂၀၂၅–၂၆ ရာသီအတွင်းမှာတင် ပရီးမီးယားလိဂ်မှာ နည်းပြ အပြောင်းအလဲ ၁၁ ကြိမ် အထိ ရှိခဲ့ပြီး နော့တင်ဟမ်ဖောရက်စ်၊ ချဲလ်ဆီးနဲ့ စပါး အသင်းတို့ ဆိုရင် နည်းပြ တစ်ယောက်ထက်မက ထုတ်ပယ်ခဲ့ကြတာပါ။ ရာသီပြီးဆုံးသွားချိန် မှာလည်း နည်းပြ အပြောင်းအလဲတွေ အမြောက်အမြား ဆက်လက် ဖြစ်ပေါ်ခဲ့တာကြောင့် လာမယ့် ၂၀၂၆-၂၇ ရာသီ မှာတော့ နည်းပြခုံတန်းတွေထက်မှာ မျက်နှာသစ် များစွာကို မြင်တွေ့ရတော့မှာ ဖြစ်ပါတယ်။
ဒါကြောင့် လက်ရှိ ပရီးမီးယားလိဂ်မှာ တာဝန်ယူနေဆဲ နည်းပြတွေထဲက သက်တမ်း အရှည်ဆုံး နည်းပြတွေကို ဖော်ပြပေးလိုက်ပါတယ်။
လက်ရှိ ပရီးမီးယားလိဂ်ရဲ့ သက်တမ်းအရှည်ဆုံး နည်းပြများ
- မီခဲလ် အာတေးတား – အာဆင်နယ်၊ ၂၀၁၉၊ ဒီဇင်ဘာ ၂၂
- အူနိုင်း အမ်မရီ – အက်စတွန်ဗီလာ၊ ၂၀၂၂၊ နိုဝင်ဘာ ၁
- ဒန်နီယယ် ဖာကီ – လိဒ်စ်ယူနိုက်တက်၊ ၂၀၂၃၊ ဇူလိုင် ၄
- ရီဂျစ် လီ ဘရစ် – ဆန်းဒါးလန်း၊ ၂၀၂၄၊ ဇူလိုင် ၁
- ဖေဘီယန် ဟာဇယ်လာ – ဘရိုက်တန်၊ ၂၀၂၄၊ ဇူလိုင် ၂
- ဖရန့်ခ် လမ်းပတ် – ကိုဗင်ထရီစီးတီး၊ ၂၀၂၄၊ နိုဝင်ဘာ ၂၈
- ဒေးဗစ် မွိုက်စ် – အဲဗာတန်၊ ၂၀၂၅၊ ဇန်နဝါရီ ၁၁
- ဆာဂျီ ယာကီရိုဗစ် – ဟားလ်စီးတီး၊ ၂၀၂၅၊ ဇွန် ၁၁
- ကိတ်သ် အန်းဒရူးစ် – ဘရန့်ဖို့ဒ်၊ ၂၀၂၅၊ ဇွန် ၂၇
- မိုက်ကယ် ကာရစ်ခ် – မန်ချက်စတာယူနိုက်တက်၊ ၂၀၂၆၊ ဇန်နဝါရီ ၁၃
- ရော်ဘတ်တို ဒီဇာဘီ – တော့တင်ဟမ်ဟော့စပါး၊ ၂၀၂၆၊ မတ် ၃၁
- မာကို ရို့စ် – ဘုန်းမောက်၊ ၂၀၂၆၊ ဇွန် ၁
- အန်ဒိုနီ အီရာအိုလာ – လစ်ဗာပူးလ်၊ ၂၀၂၆၊ ဇွန် ၄
- ပီယား ဆေ့ချ် – ခရစ္စတယ်ပဲလေ့စ်၊ ၂၀၂၆၊ ဇွန် ၁၅
- ဂယ်ရီ အိုနီးလ် – အစ်ပ်ဆွစ်ချ်တောင်း၊ ၂၀၂၆၊ ဇွန် ၂၃
- အန်ဇို မာရက်စကာ – မန်ချက်စတာစီးတီး၊ ၂၀၂၆၊ ဇွန် ၂၉
- ဇာဘီ အလွန်ဆို – ချဲလ်ဆီး၊ ၂၀၂၆၊ ဇူလိုင် ၁
- အိုလီဗာ ဂလက်စနာ – နော့တင်ဟမ်ဖောရက်စ်၊ ၂၀၂၆၊ ဇူလိုင် ၆
- အဲလ်ဗာရို အာဘီလိုအာ – ဖူလ်ဟမ်၊ ၂၀၂၆၊ ဇူလိုင် ၇
- နယူးကာဆယ်ယူနိုက်တက် – ?
ပရီးမီးယားလိဂ် သမိုင်းကြောင်းမှာ ပထမဆုံးအကြိမ် အဖြစ် ရာသီ အဖွင့် ပွဲစဉ် မှာတင် အသင်းသစ်တွေရဲ့ နည်းပြခုံတန်းမှာ စတင် ပွဲထွက်မယ့် နည်းပြ ၉ ယောက် အထိ ရှိနေပါတယ်။ နယူးကာဆယ် အသင်း ကတော့ နွေရာသီအတွင်းမှာပဲ နည်းပြ အက်ဒီ ဟောင်းဝ်ကို ထုတ်ပယ်ခဲ့တာမို့ သူ့နေရာမှာ အစားထိုးဖို့ နည်းပြသစ် ရှာဖွေနေဆဲ ဖြစ်ပါတယ်။
အဲလ်ဗာရို အာဘီလိုအာ ကတော့ ရီးရဲလ်မက်ဒရစ်မှာ အဆင်မပြေခဲ့ပြီးနောက် ဇူလိုင် ၇ ရက်မှာ ဖူလ်ဟမ် အသင်းဆီ ပြောင်းရွှေ့လာခဲ့တာကြောင့် နောက်ဆုံးမှ ရောက်ရှိလာတဲ့ နည်းပြ ဖြစ်ပါတယ်။ သူဟာ ဇွန်လဆန်း ကတည်းက ရောက်ရှိလာခဲ့တဲ့ နည်းပြ ၈ ယောက်ထဲက တစ်ယောက် ဖြစ်ပြီး ချဲလ်ဆီးနဲ့ လစ်ဗာပူးလ် တို့ဆီ အသီးသီး ရောက်ရှိသွားကြတဲ့ ဇာဘီ အလွန်ဆိုနဲ့ အန်ဒိုနီ အီရာအိုလာ တို့နဲ့ အပြိုင် ရောက်ရှိလာခဲ့တာပါ။
ချဲလ်ဆီး နည်းပြဟောင်း အဲန်ဇို မာရက်စကာ ကတော့ ဇွန်လအကုန်မှာ မန်စီးတီးဆီ ပြောင်းရွှေ့သွားခဲ့ပြီး အိုလီဗာ ဂလက်စ်နာ၊ ဂယ်ရီ အိုနီးလ်၊ ပီယား ဆေ့ချ်နဲ့ မာကို ရို့စ် တို့ ကလည်း အသီးသီး နည်းပြသစ်တွေ အဖြစ် ခန့်အပ်ခြင်း ခံခဲ့ရပါတယ်။
နယူးကာဆယ် အပါအဝင် ပရီးမီးယားလိဂ် အသင်း ထက်ဝက်ကျော်ဟာ ၂၀၂၆ ခုနှစ် အတွင်းမှာ နည်းပြသစ်တွေ ခန့်အပ်ခဲ့ကြတာပါ။ ယူနိုက်တက်မှာ ဇန်နဝါရီလက ယာယီ နည်းပြ အဖြစ် စတင် တာဝန်ယူခဲ့ပြီး မေလမှ အပြီးသတ် စာချုပ်ချုပ်ဆိုခဲ့တဲ့ မိုက်ကယ် ကာရစ်ခ်က သက်တမ်းအရှည်ဆုံး ၁၀ ယောက် စာရင်းထဲ ပါဝင်နေတာကို ကြည့်ရင် အပြောင်းအလဲ မြန်ဆန်လှတာကို တွေ့ရမှာပါ။ မတ်လကမှ စပါးကို ရောက်လာတဲ့ ရော်ဘတ်တို ဒီဇာဘီ ဆိုရင်လည်း ကာရစ်ခ်ရဲ့ နောက်နားလေးမှာတင် ရှိနေတာ ဖြစ်ပါတယ်။
တခြား တစ်ဖက် မှာတော့ မီခဲလ် အာတေးတားဟာ လက်ရှိ ပရီးမီးယားလိဂ်မှာ သက်တမ်း အရှည်ဆုံး နည်းပြ အဖြစ် ကွာခြားချက် အကြီးကြီးနဲ့ ဦးဆောင်နေပါတယ်။ ၂၀၁၉ ခုနှစ် ဒီဇင်ဘာတည်းက စတင် တာဝန်ယူခဲ့သူ ဖြစ်ပြီး စိန်ခေါ်မှု များစွာကို ကျော်ဖြတ်ကာ အာဆင်နယ်ကို လိဂ်ရဲ့ အကောင်းဆုံး အသင်း ဖြစ်လာအောင် တည်ဆောက်ပေးခဲ့သူပါ။
အာတေးတားထက် အရင် ပရီးမီးယားလိဂ် နည်းပြ ဖြစ်ခဲ့တဲ့ အူနိုင်း အမ်မရီ ကတော့ အက်စတွန်ဗီလာကို ၂၀၂၂ နိုဝင်ဘာမှ ရောက်ရှိခဲ့ပေမယ့် စာရင်းရဲ့ ဒုတိယနေရာမှာ ရှိနေပါတယ်။ တတိယ သက်တမ်း အရှည်ဆုံး နည်းပြ ကတော့ အီမရီ ရောက်ပြီး ၈ လအကြာ လိဒ်စ်ယူနိုက်တက်ဆီ ရောက်လာခဲ့တဲ့ ဒန်နီယယ် ဖာကီ ဖြစ်ပါတယ်။
ရီဂျစ် လီဘရစ်၊ ဖေဘီယန် ဟာဇယ်လာနဲ့ ဖရန့်ခ် လမ်းပတ်တို့ ကတော့ ၂၀၂၄ ခုနှစ်မှာ စတင် တာဝန်ယူခဲ့ကြသူတွေ ဖြစ်တာကြောင့် အဆင့် ၄ ကနေ ၆ အတွင်း အသီးသီး ရပ်တည်နေကြပါတယ်။ ဒေးဗစ် မွိုက်စ် ကတော့ ၂၀၂၅ ခုနှစ် အစပိုင်းမှာ အဲဗာတန်ဆီ ပြန်လည် ရောက်ရှိလာခဲ့သူပါ။
ဟားလ်စီးတီးရဲ့ ဆာဂျီ ယာကီရိုဗစ်နဲ့ ဘရန့်ဖို့ဒ်ရဲ့ ကိတ်သ် အန်းဒရူးစ် တို့ဟာ ၂၀၂၅-၂၆ ရာသီ မစတင်မီမှ ခန့်အပ်ခံခဲ့ရသူတွေ ဖြစ်ပေမယ့် အခုဆိုရင်ပဲ အဆင့် ၈ နဲ့ ၉ နေရာတွေမှာ ရောက်ရှိနေကြပြီ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
