အခုတစ်ခါမှာလည်း ပရီးမီးယားလိဂ် အပါအဝင် ဥရောပ ထိပ်တန်း ကလပ်တွေရဲ့ စိတ်ဝင်စားစရာ အပြောင်းအရွှေ့ သတင်းတွေကို ဆက်လက် ဖော်ပြပေးသွားပါမယ်။
ဂါလာတာဆာရေး အသင်းဟာ ပရီးမီးယားလိဂ် ကလပ် လစ်ဗာပူးလ် ကွင်းလယ်လူ အဲလက်ဆစ် မက် အယ်လစ္စတာ ကို ခေါ်ယူဖို့ နည်းလမ်းရှာဖွေနေပါတယ်။ လစ်ဗာပူးလ် အသင်း ဘက်က ပီအက်စ်ဂျီ တောင်ပံကစားသမား ဘရက်ဒ်လေ ဘာကိုလာရဲ့ ပြောင်းရွှေ့ကြေး တောင်းဆိုမှုကို လိုက်လျောဖို့ တွန့်ဆုတ်နေတာကြောင့် အာဆင်နယ်က ကြားဖြတ် လုယူဖို့ စဉ်းစားလာပါတယ်။ ဂန်းနားတို့ဟာ ဗင်နီးစီးယပ်စ် ဂျူနီယာ ကို ခေါ်ယူဖို့ မအောင်မြင်ခဲ့တဲ့ ကြိုးပမ်းမှု ကနေ ငွေကြေးအမြောက်အမြား အပိုကျန်ရှိနေတာ ဖြစ်ပါတယ်။
အက်စတွန်ဗီလာ အသင်းဟာ ဂျူဗင်တပ်စ် တိုက်စစ်မှူး ဂျိုနသန် ဒေးဗစ် ကို ခေါ်ယူဖို့ စတင် လှုပ်ရှားလိုက်ပါတယ်။ ဒေးဗစ် ထွက်ခွာသွားပါက ဂျူဗင်တပ်စ် အနေနဲ့ မန်ယူနိုက်တက် တိုက်စစ်မှူး ဂျော်ရွှာ ဇစ်ခ်ဇီး ကို ခေါ်ယူမယ့် အစီအစဉ်ကို ဆက်လက် အကောင်အထည်ဖော်နိုင်တော့မှာပါ။
ဒါ့အပြင် အက်စတွန်ဗီလာ စိတ်ဝင်စားနေတဲ့ တခြား တိုက်စစ်မှူး တစ်ဦး ကတော့ ပရီးမီးယားလိဂ် ပြိုင်ဘက် ချဲလ်ဆီး ရဲ့ နီကိုးလတ်စ် ဂျက်ဆန် ဖြစ်ပါတယ်။ ဂျက်ဆန် အတွက် ချဲလ်ဆီးက ပေါင် ၅၁ သန်း သတ်မှတ်ထားသလို တော့တင်ဟမ်ဟော့စပါး ကလည်း သဘောကျနေတာ ဖြစ်ပါတယ်။
မန်ချက်စတာစီးတီးအသင်း ဟာ နည်းပြ အန်ဇို မာရက်စကာ နဲ့ ချဲလ်ဆီး ကွင်းလယ်လူ အန်ဇို ဖာနန်ဒက်စ် တို့ကို ပြန်လည် ဆုံတွေ့ပေးချင်နေပေမယ့် ရိုဒရီ ရဲ့ အပြောင်းအရွှေ့ သေချာခါနီးမှသာ စတင် ကမ်းလှမ်းသွားဖွယ် ရှိပါတယ်။
ဒါပေမယ့်လည်း အပြောင်းအရွှေ့ ဈေးကွက် နောက်ဆုံးအဆင့်သို့ ရောက်ရှိနေချိန်မှာ ချဲလ်ဆီး ဘက်က ဖာနန်ဒက်စ် ကို အသင်းမှာ ဆက်ထိန်းထားချင်နေပြီး ပရီးမီးယားလိဂ် ရာသီသစ် စတင်ပြီးပါက သူ့ရဲ့ ပြောင်းရွှေ့ကြေးကို ပေါင် ၁၂၀ သန်း အထက် အထိ တိုးမြှင့် သတ်မှတ်သွားမှာ ဖြစ်ပါတယ်။
ချဲလ်ဆီးဟာ တောင်ပံကစားသမား မီခိုင်လို မူဒရစ်ခ် ကိုလည်း အပြီးသတ် ရောင်းချဖို့ စိတ်ကူး မရှိဘဲ အငှားချထားဖို့သာ စဉ်းစားနေပါတယ်။ စထရာဘိုး အသင်းဆီ အငှားသွားဖို့ ကမ်းလှမ်းမှု ရှိနေသော်လည်း မူဒရစ်ခ် ကတော့ တခြား ပရီးမီးယားလိဂ် ကလပ် တစ်ခုခုဆီသာ ပြောင်းရွှေ့ချင်နေတာပါ။ သူ့ကို ဥရောပတစ်လွှား ကလပ် အများအပြားက စိတ်ဝင်စားနေကြပါတယ်။
အင်တာမီလန် အသင်းဟာ တော့တင်ဟမ် ညာနောက်ခံလူ ဂျက်ဒ် စပန့်စ် ကို ပေါင် ၂၆ သန်းကျော်နဲ့ ခေါ်ယူဖို့ သဘောတူညီမှု ရရှိတော့မှာ ဖြစ်ပါတယ်။
ရိုဒရီ အနေနဲ့ ရီးရဲလ်မက်ဒရစ်ထက် ဘာစီလိုနာကို ရွေးချယ်ခဲ့တာဟာ ငွေကြေးနဲ့ မဆိုင်ဘဲ ကလပ် နှစ်ခုလုံးက တစ်နှစ်ကို ယူရို ၁၅ သန်း နဲ့ ၄ နှစ်စာချုပ် တူညီစွာ ကမ်းလှမ်းခဲ့ကြတာပါ။ ကွင်းလယ်လူ အနေနဲ့ လက်တွဲလိုတဲ့ အဝတ်လဲခန်း အသီးသီးရဲ့ အခြေအနေပေါ် မူတည်ပြီး ရွေးချယ်ခဲ့တာ ဖြစ်ပါတယ်။
ဘာစီလိုနာ အသင်း ဟာ လစ်ဗာပူးလ်ဆီ အငှားသွားခဲ့တဲ့ ဗဟိုခံစစ်မှူး ရော်နယ် အာရူဟို ရဲ့ နေရာမှာ အစားထိုးဖို့ နည်းလမ်း ရှာဖွေနေပြီး ရွေးချယ်စရာ ၄ ခုကို စဉ်းစားနေပါတယ်။ တော့တင်ဟမ်ရဲ့ ခရစ္စတီယန် ရိုမီယို၊ အက်သလက်တစ် ဘီလ်ဘာအိုရဲ့ အမ်းမရစ်ခ် လာပေါ့တ် နဲ့ အင်တာမီလန်ရဲ့ အလက်ဆန်ဒရို ဘက်စတိုနီ တို့ကို ပစ်မှတ်ထားနေသလို အသက် ၂၁ နှစ် အရွယ် အဲလ်ဗာရို ကောတက်စ် ကို အသင်းကြီးဆီ တိုးမြှင့် အသုံးပြုဖို့လည်း စဉ်းစားနေပါတယ်။
ဒါပေမယ့်လည်း ခံစစ်မှူးသစ် ခေါ်ယူမယ့် သတင်းကြောင့် နည်းပြ ဟန်ဆီ ဖလစ်ခ် နဲ့ ဂျူးလ်စ် ကွန်ဒေး တို့ အကြား အငြင်းပွားမှု ဖြစ်ပွားခဲ့ပါတယ်။ ပြင်သစ်သား ခံစစ်မှူးဟာ ညာနောက်ခံလူ အဖြစ် ကစားနေရပေမယ့်လည်း ဗဟိုခံစစ်မှာသာ ကစားချင်ကြောင်း ကာလရှည် တောင်းဆိုထားသူ ဖြစ်ပြီး ဒီဆန္ဒ ထပ်မံ ငြင်းပယ်ခံရတာကြောင့် အတော်လေး ဒေါသထွက်ခဲ့ကာ အသင်းမှ ထွက်ခွာဖို့ အထိ စဉ်းစားနေပါတယ်။ ကွန်ဒေး ကို စိတ်ဝင်စားနေတဲ့ အသင်းတွေထဲမှာ အာဆင်နယ် အသင်းလည်း ပါဝင်နေပါတယ်။
သတင်းတချို့မှာ ဖော်ပြထားသလို ဘာစီလိုနာ အသင်းဟာ အက်တလက်တီကိုမက်ဒရစ် တိုက်စစ်မှူး ဟူလီယန် အဲလ်ဗာရက်ဇ်ရဲ့ အစားထိုး အဖြစ် အင်တာမီလန် တိုက်စစ်မှူး လော်တာရို မာတီနက်ဇ်ကို ခေါ်ယူဖို့ စိတ်ဝင်စားခြင်း မရှိပါဘူး။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
