အခုတစ်ခါမှာတော့ ဖေဖော်ဝါရီ ၁၃ ရက်နေ့ နေ့လည်ခင်းအထိ ရရှိထားသမျှ လာလီဂါရဲ့ စိတ်ဝင်စားစရာ သတင်းတွေကို ဖော်ပြပေးချင်ပါတယ်။
လာလီဂါ ကလပ် အက်တလက်တီကိုမက်ဒရစ်နဲ့ အဲလ်ဗာရက်ဇ် တို့ရဲ့ စာချုပ်ထဲမှာ စာချုပ်ဖျက်သိမ်းကြေး ယူရို သန်း ၅၀၀ (ပေါင် ၄၃၅.၄ သန်း) အထိ သတ်မှတ်ထားပါတယ်။ ဒါပေမယ့် ဘာစီလိုနာ၊ ချဲလ်ဆီးနဲ့ အာဆင်နယ် တို့က စိတ်ဝင်စားနေတဲ့ ဒီတိုက်စစ်မှူး အတွက် ယူရို သန်း ၁၀၀ ဝန်းကျင်နဲ့ ကမ်းလှမ်းလာရင် အက်တလက်တီကို ဘက်က လက်ခံစဉ်းစားဖွယ် ရှိနေပါတယ်။
ဆော်ဒီပရိုလိဂ် ကလပ် အဲလ်အစ်တီဟတ် အသင်းဟာ သူတို့ အသင်းရဲ့ ကွင်းလယ်လူ အန်ဂိုလို ကန်တေးရဲ့ နေရာမှာ အစားထိုးဖို့ အတွက် ရီရဲလ်မက်ဒရစ်ရဲ့ လူငယ် ကြယ်ပွင့် ကာမာဗင်ဂါကို “ မဟာဗျူဟာမြောက် များပြားလှတဲ့” ငွေကြေးပမာဏနဲ့ ကမ်းလှမ်းဖို့ ပြင်ဆင်နေပါတယ်။
အကယ်၍ နည်းပြ ယာဂန် ကလော့ပ်သာ ရီရဲလ်မက်ဒရစ်ကို တာဝန်ယူ ကိုင်တွယ်ဖြစ်ခဲ့ရင်၊ ကာမာဗင်ဂါရဲ့ နေရာမှာ အစားထိုးဖို့ အတွက် လစ်ဗာပူးလ် အသင်းက သူ့ရဲ့ တပည့်ဟောင်း အလက်ဆစ် မက် အယ်လစ္စတာကို အသင့်တော်ဆုံး ကစားသမား အဖြစ် ရွေးချယ် သတ်မှတ်ထားပါတယ်။
ပိုလန် ဝါရင့် တိုက်စစ်မှူး လီဝမ်ဒေါစကီး အတွက် အနာဂတ်မှာ ရွေးချယ်စရာ လမ်းကြောင်း ၅ ခု ရှိနေပါတယ်။ အမေရိကန် မေဂျာလိဂ်က ချီကာဂိုဖိုင်းယား၊ အေစီမီလန်၊ အက်တလက်တီကိုမက်ဒရစ်၊ ဖီနာဘာချီနဲ့ ဆော်ဒီပရိုလိဂ်က ထိပ်တန်း ကလပ် အသင်းတွေဟာ သူ့ကို ခေါ်ယူဖို့ အလားအလာ ရှိနေပါတယ်။
လာလီဂါ ကလပ် ရီရဲလ်မက်ဒရစ် ကတော့ အသင်းရဲ့ ဝါရင့် ညာနောက်ခံလူ ဒန်နီ ကာဗာဟယ်ရဲ့ နေရာမှာ ရေရှည် အစားထိုးမယ့်သူကို ရှာဖွေတွေ့ရှိသွားပါပြီ။ အဲဒါ ကတော့ ရိုးမား အသင်းမှာ ကစားနေတဲ့ ဝက်စလေပဲ ဖြစ်ပါတယ်။
ဒီတစ်ပတ် အတွင်းမှာ ခရစ်စတီယာနို ရော်နယ်ဒိုဟာ သူရဲ့ ပထမဆုံး ပရော်ဖက်ရှင်နယ် ကလပ် ဖြစ်တဲ့ စပို့တင်းလစ္စဘွန်း အသင်းဆီ ပြန်လည် ရောက်ရှိနိုင်တယ် ဆိုတဲ့ သတင်းတွေ ပြန်လည် ထွက်ပေါ်လာပါတယ်။ လက်ရှိ အဲလ်နာဆာ အသင်းနဲ့ ရော်နယ်ဒို အကြားက အေးစက်နေတဲ့ ဆက်ဆံရေးဟာ ပြန်လည် ပြေလည်လာတယ်လို့ ဆိုရမှာ ဖြစ်ပေမယ့် အသင်းဟောင်းဆီ ပြန်သွားမယ့် သတင်း ကတော့ ပြန်လည် လှုပ်ခတ်လာပါတယ်။
အင်္ဂလန် နည်းပြ သောမတ်စ် တူချယ် ကတော့ ယူရို ၂၀၂၈ ပြိုင်ပွဲ အပြီး အထိ အသင်းမှာ ဆက်ရှိနေစေမယ့် ၂ နှစ် စာချုပ်သစ်ကို ချုပ်ဆိုသွားတော့မယ်လို့ သိရပါတယ်။ သောမတ်စ် တူချယ်က အင်္ဂလန် အသင်းနဲ့ လက်ရှိ ကမ္ဘာ့ဖလား ပြီးတဲ့ အထိပဲ စာချုပ်ချုပ်ထားတာကြောင့် ကမ္ဘာ့ဖလား ပြီးရင် မန်ချက်စတာယူနိုက်တက်က နည်းပြသစ် အဖြစ် ခန့်အပ်မယ်လို့ သတင်းတွေ အခိုင်အမာ ထွက်ပေါ်နေသူ ဖြစ်ပါတယ်။
ဒါပေမယ့်လည်း တူချယ်က အဂ်လန် အသင်းကို ယူရို ၂၀၂၈ ပြိုင်ပွဲ အပြီး အထိ ဆက်လက် နည်းပြဖို့ ဆုံးဖြတ်ခဲ့ပြီး အသင်းမှာ ဆက်ရှိနေစေမယ့် ၂ နှစ် စာချုပ် ချုပ်ဆိုသွားတော့မှာ ဖြစ်ပါတယ်။ The Times ရဲ့ ဖော်ပြချက်အရ ၂၀၂၆-၂၀၂၇ နေးရှင်းလိဂ် ပြိုင်ပွဲ အတွက် ဒီနေ့ မဲခွဲမှုတွေ မတိုင်ခင်မှာ တရားဝင် ထုတ်ပြန် ကြေညာသွားနိုင်တယ်လို့ သိရပါတယ်။
မိုက်ကယ် ကာရစ်ခ်ဟာ အိုးထရက်ဖို့ဒ်ကို တကျော့ပြန် ခရီးမှာ အထင်ကြီးလောက်စရာ စွမ်းဆောင်ရည်တွေ ပြသနိုင်ခဲ့ပေမယ့် မန်ချက်စတာယူနိုက်တက်က ပြင်ပက နည်းပြ ကိုပဲ ခန့်အပ်မှု ပြုလုပ်ဖို့ စိတ်အားထက်သန်နေပါတယ်။
လစ်ဗာပူးလ် နည်းပြ အာနေး ဆလော့တ် ကတော့ အသစ် ခေါ်ယူထားတဲ့ နောက်ခံလူ ဂျက်ကက်ရဲ့ ဒဏ်ရာရရှိမှု သတင်းအပေါ် အတော်လေး စိတ်ပျက်နေပါတယ်။ ရာသီကုန်မှ အသင်းထံ လာရောက် ပူးပေါင်းမယ့် အဆိုပါ တန်ကြေးမြင့် နောက်ခံလူဟာ လက်တလော ပုခုံးဒဏ်ရာ ရရှိထားပြီး အချိန်အတော်ကြာ အနားယူရဖို့ ရှိနေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
