တော့တင်ဟမ်ဟော့စပါး ကစားသမားသစ် အန်ဒီ ရော်ဘတ်ဆန် ကတော့ အသင်းရဲ့ အနာဂတ်အတွက် မျှော်လင့်ချက် အပြည့် ရှိနေပါတယ်။ ပြီးခဲ့တဲ့ ပရီးမီးယားလိဂ် နှစ်ရာသီ ဆက်တိုက် အဆင့် ၁၇ နဲ့ ရုန်းကန်ခဲ့ရပေမယ့် ဒီရာသီ မှာတော့ စပါး အသင်း ပိုကောင်းလာမယ်လို့ ရော်ဘတ်ဆန်က အပြည့်အဝ ယုံကြည်နေတာ ဖြစ်ပါတယ်။
အသင်းတွင်း ပွဲထွက်ခွင့်နေရာ အတွက် ပြိုင်ဆိုင်မှုတွေ ပြင်းထန်လာတာကို သူက ကြိုဆိုလိုက်ပြီး ဒီလို ပြိုင်ဆိုင်မှုမျိုးကပဲ အမှတ်ပေးဇယား အထက်ပိုင်းကို ပြန်တက်နိုင်ဖို့ ကူညီပေးလိမ့်မယ်လို့ ဆိုပါတယ်။ စပါး အသင်းဟာ ၂၀၂၅-၂၆ ရာသီ ပရီးမီးယားလိဂ် နောက်ဆုံး ပွဲစဉ်မှာ အဲဗာတန်ကို အနိုင်ရကာ တန်းဆင်းဇုန် ကနေ သီသီလေး လွတ်မြောက်ခဲ့ပြီး အဆင့် ၁၇ နဲ့ ရာသီသိမ်းနိုင်ခဲ့တာပါ။ နှစ်ရာသီ ဆက်တိုက် အဆင့် ၁၇ နေရာမှာပဲ ဇာတ်သိမ်းခဲ့တာကြောင့် ဒါဟာ ၁၉၁၂-၁၃ ကနေ ၁၉၁၄-၁၅ ရာသီတွေတုန်းက (အဆင့် ၁၇၊ ၁၇ နဲ့ ၂၀) ၃ ရာသီ ဆက်တိုက် ဇယား အောက်ဆုံးနား ရောက်ခဲ့ပြီး နောက်ပိုင်း နှစ် ၁၀၀ ကျော်အတွင်း အဆိုးရွားဆုံး မှတ်တမ်းလည်း ဖြစ်ခဲ့ပါတယ်။
ဒါပေမယ့် နည်းပြ ရော်ဘတ်တို ဒီဇာဘီ ရောက်လာပြီး နောက်ပိုင်း စပါးရဲ့ ရလဒ်တွေ ပြန်ကောင်းလာခဲ့သလို၊ ဒီနွေရာသီ အပြောင်းအရွှေ့ မှာလည်း အသင်းက ကစားသမားသစ်တွေကို အကြီးအကျယ် ခေါ်ယူ အားဖြည့်ထားပါတယ်။ နယူးကာဆယ် ကနေ ကွင်းလယ်လူ ဆန်ဒရို တိုနာလီကို ကလပ် စံချိန်တင် ပြောင်းရွှေ့ကြေး ပေါင် သန်း ၁၀၀ နဲ့ ခေါ်ယူခဲ့သလို၊ မားတီးယက်စ် ဖာနန်ဒက်စ်ကို ပေါင် ၈၅ သန်း၊ ဂျန်ပေါလ် ဗန်ဟက်ကီ ကိုတော့ ပေါင် ၅၂ သန်းနဲ့ ခေါ်ယူခဲ့တာပါ။
ရော်ဘတ်ဆန် ကိုယ်တိုင်လည်း မားကို့စ် ဆီနက်ဆီ၊ မာတင် ဒူဘရက်ဗ်ကာ တို့နဲ့ အတူ အလွတ် ပြောင်းရွှေ့ကြေးနဲ့ ဒီနွေမှာ ပရီးမီးယားလိဂ် ကလပ် ဆီ ရောက်ရှိလာသူ ဖြစ်ပါတယ်။ ရောဘတ်ဆန် အနေနဲ့ ဘယ်နောက်ခံလူ နေရာ အတွက် ဒက်စတီနီ အူဒိုဂီ၊ ဆူဇာ၊ ဂျက်ဒ် စပန့်စ် တို့နဲ့ အပြိုင် ပွဲထွက်ခွင့် တိုက်ပွဲဝင်ရတော့မှာ ဖြစ်ပေမယ့် ဒါဟာ အသင်း အတွက် အကောင်းဘက်ကို ဦးတည်စေလိမ့်မယ်လို့ စကော့တလန်သားက ခံယူထားပါတယ်။
“အသင်းကြီးတွေကို ရောက်ပြီ ဆိုရင် ဘယ်နေရာမှာမှ ပွဲထွက်ခွင့်ရဖို့ မလွယ်ပါဘူး” လို့ ရောဘတ်ဆန်က ပြောပါတယ်။ “အသင်း၊ နည်းပြနဲ့ အထက်လူကြီးတွေ အားလုံးက နေရာတိုင်းမှာ ပြိုင်ဆိုင်မှု ရှိနေတဲ့ အသင်း တစ်သင်း ဖြစ်အောင် တည်ဆောက်ဖို့ ကြိုးစားနေကြတာပါ။ ကိုယ်က နေရာ တစ်ခု အတွက် မပြိုင်ဆိုင်ချင်ဘူး၊ ပွဲထွက်ခွင့် အတွက် မတိုက်ပွဲဝင်ချင်ဘူး ဆိုရင် အသင်းကြီးတွေမှာ ကြာကြာနေလို့ မရသလို၊ အထက်တန်းကျကျလည်း ကစားနိုင်မှာ မဟုတ်ပါဘူး။ ဒါဟာ ကစားသမားတိုင်းနဲ့ ဆိုင်ပါတယ်။”
“ကျွန်တော့် အတွက်တော့ ဒါဟာ လွန်ခဲ့တဲ့ ၉ နှစ်လုံးလုံး ကြုံတွေ့ခဲ့ရတဲ့ အရာ မို့လို့ ကစားသမား ဘဝ မပြီးမချင်း ယဉ်ပါးနေမယ့်အရာပါ။ ဘာမှ အဆန်းမဟုတ်ပါဘူး။ အခု အသင်းမှာ ရှိတဲ့ ကစားသမားတွေရဲ့ အရည်အသွေးက အရမ်းကောင်းပါတယ်။ ဒီထက်မက ပိုထုတ်သုံးနိုင်ရင် နည်းပြ ပြောသလိုပါပဲ၊ လွန်ခဲ့တဲ့ ပရီးမီးယားလိဂ် နှစ်ရာသီမှာ စပါး အသင်း ပြသခဲ့တဲ့ ရလဒ်တွေက အဆင်မပြေခဲ့တာ မှန်ပါတယ်။ ဇယားရဲ့ အောက်ဆုံးနားမှာပဲ အမြဲ ရုန်းကန်ခဲ့ရတာပါ။ ဒါပေမယ့် ဒီရာသီ မှာတော့ ဒါမျိုး ထပ်မဖြစ်စေဖို့ အားလုံးက သန္နိဋ္ဌာန် ချထားကြပါတယ်။ အားလုံးသာ ဦးတည်ချက် တစ်ခုတည်းကို ပူးပေါင်း ပါဝင်ပြီး အပြိုင်အဆိုင် ကြိုးစားကြမယ်ဆိုရင်၊ ပြီးခဲ့တဲ့ရာသီတွေထက် အများကြီး ပိုမြင့်မားတဲ့ နေရာကို ရောက်ရှိစေမယ့် အသင်း တစ်သင်း ကျွန်တော်တို့ ဆီမှာ ရှိနေပြီလို့ မဆိုင်းမတွ ယုံကြည်ပါတယ်” လို့ ရောဘတ်ဆန်က သုံးသပ် ပြောကြားသွားခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
