ယန်ဒီယိုမန်ဒီကို ခေါ်ယူဖို့ အတက် လာလီဂါ ထိပ်သီး ရီးရဲလ်မက်ဒရစ်ဟာ သမိုင်းစဉ်ဆက် သူတို့ ပြုလုပ်လေ့ရှိတဲ့အတိုင်း အပြောင်းအရွှေ့ဈေးကွက်မှာ လှုပ်ရှားမှုကြီး တစ်ခုကို စတင်လိုက်ပြီ ဖြစ်ပါတယ်။
အသက် ၁၉ နှစ် အရွယ်ပဲ ရှိသေးတဲ့ လိုက်ပ်ဇစ် အသင်းရဲ့ တောင်ပံ တိုက်စစ် ကစားသမား ယန် ဒီယိုမန်ဒီဟာ လက်ရှိမှာ ဥရောပ ထိပ်သီး ကလပ်တွေရဲ့ အလိုချင်ဆုံး လူငယ် ကြယ်ပွင့် ကစားသမား တစ်ဦးပါ။ အရင်က လစ်ဗာပူးလ်နဲ့ ပီအက်စ်ဂျီ တို့ဟာ သူ့ကို ခေါ်ယူဖို့ အလားအလာ အကောင်းဆုံး ဖြစ်ခဲ့ပေမယ့် The Athletic ရဲ့ ဖော်ပြချက်အရ ရီးရဲလ်မက်ဒရစ် အသင်းပါ ဒီစိန်ခေါ်မှုထဲ ပါဝင်လာပြီး ဂျာမန် ကလပ်နဲ့ သဘောတူညီမှု ရဖို့ ကြိုးပမ်းတော့မှာ ဖြစ်ပါတယ်။
လစ်ဗာပူးလ်က အိုင်ဗရီကိုစ့် တောင်ပံ ကစားသမားလေး အတွက် ငွေကြေးအမြောက်အမြား သုံးစွဲဖို့ ပြင်ဆင်ထားသလို ပီအက်စ်ဂျီ ကလည်း ဥရောပ ချန်ပီယံလိဂ် ၂ ရာသီဆက် ဗိုလ်စွဲထားတာကြောင့် ဒီယိုမန်ဒီ ကိုယ်တိုင်က ပဲရစ်ဆီ ပြောင်းရွှေ့ဖို့ ဦးစားပေး လိုချင်နေခဲ့တာပါ။ ဒါပေမယ့် ပရိသတ်ချစ်တဲ့ ပြင်သစ် ကလပ်ဟာ ယူရို သန်း ၁၀၀ ထက် သိသိသာသာ ပိုမိုမြင့်မားလာနိုင်တဲ့ ပြောင်းရွှေ့ကြေး ပမာဏကြောင့် အနည်းငယ် နောက်ဆုတ်ချင်ချင် ဖြစ်သွားခဲ့ပါတယ်။ ဒီအခွင့်အရေးကို အမိအရ ဆုပ်ကိုင်ပြီး လာလီဂါ ကလပ်က ကြားဖြတ် ဝင်ရောက်လာခဲ့တာကြောင့် အပြောင်းအရွှေ့ ဇာတ်လမ်းရဲ့ ဦးတည်ချက် တစ်ခုလုံး ပြောင်းလဲသွားနိုင်ပါတယ်။
ပထမဆုံး ကမ်းလှမ်းမှုကို ငြင်းပယ်လိုက်တဲ့ လိုက်ပ်ဇစ်
နာမည်ကျော် သတင်းထောက် ဖာဘရီဇီယို ရိုမာနိုရဲ့ အဆိုအရ ရီးရဲလ်မက်ဒရစ် အသင်း တင်သွင်းခဲ့တဲ့ ပထမဆုံး ကမ်းလှမ်းမှုကို လိုက်ပ်ဇစ် အသင်း ဘက်က ချက်ချင်းဆိုသလို ငြင်းပယ်လိုက်တယ်လို့ သိရပါတယ်။
မက်ဒရစ်တို့ဟာ အပိုဆုကြေးတွေ အပါအဝင် ယူရို သန်း ၁၀၀ ဝန်းကျင်နဲ့ ကမ်းလှမ်းခဲ့တာပါ။ အသင်းမှာ ၁ ရာသီပဲ ကစားရသေးပြီး ၂၀၃၀ အထိ စာချုပ်သက်တမ်း ရှိနေသေးတဲ့ ဒီယိုမန်ဒီကို ဆက်လက် ထိန်းသိမ်းထားချင်တယ်လို့ လိုက်ပ်ဇစ် ဘက်က လူသိရှင်ကြား ထုတ်ဖော် ပြောဆိုထားပါတယ်။ ဒါပေမယ့် ရီးရဲလ်မက်ဒရစ်ဟာ လူငယ် ကစားသမားတွေကို မြှင့်တင်ပေးပြီး စံချိန်တင် ဈေးနှုန်းတွေနဲ့ ပြန်လည် ရောင်းချလေ့ ရှိတဲ့ လိုက်ပ်ဇစ် အသင်းနဲ့ ရှေ့လာမယ့် ရက်တွေမှာ ဆက်လက် ဆွေးနွေးသွားဖို့ ရှိနေပါတယ်။ မက်ဒရစ် ဘက်က သာလွန်တဲ့ ကမ်းလှမ်းမှု အသစ် ပြုလုပ်လာခဲ့ရင် လိုက်ပ်ဇစ်ရဲ့ သဘောထား ပြောင်းလဲသွားနိုင်ပါတယ်။ တခြား တစ်ဖက် မှာလည်း ပီအက်စ်ဂျီ ကလည်း ပွဲစဉ်ထဲက ထွက်ခွာသွားခြင်း မရှိဘဲ လိုက်ပ်ဇစ်နဲ့ ဆက်လက် ဆွေးနွေးနေဆဲ ဖြစ်လို့ ရီးရဲလ်မက်ဒရစ် အနေနဲ့ စိန်ခေါ်မှု ကြီးကြီးမားမားနဲ့ ရင်ဆိုင်ရဦးမှာပါ။
ရီးရဲလ်မက်ဒရစ်က ဒီယိုမန်ဒီကို ဘာကြောင့် အလိုရှိနေတာလဲ
The Athletic ရဲ့ အဆိုအရ အသင်းရဲ့ တောင်ပံ ကစားသမား ဘရာဟင်မ် ဒီးယက်ဇ် ထွက်ခွာဖွယ် ရှိနေတာကြောင့် လာလီဂါ ထိပ်သီး တို့က နွေရာသီ မကုန်ဆုံးမီ ညာတောင်ပံ တိုက်စစ်မှူး တစ်ဦး အရ ခေါ်ယူချင်နေတာ ဖြစ်ပါတယ်။ မော်ရိုကို လက်ရွေးစင် ဒီးယက်ဇ် ဆက်ရှိနေခဲ့ရင်တောင် ဒီယိုမန်ဒီဟာ မက်ဒရစ်ရဲ့ ညာတောင်ပံ အတွက် ပိုမိုအားကောင်းတဲ့ အဆင့်မြှင့်တင်မှု တစ်ခု ဖြစ်လာနိုင်ပါတယ်။
ဒါ့အပြင် ဘရာဇီးလ် ကြယ်ပွင့် ရိုဒရီဂိုရဲ့ ဒဏ်ရာ ပြဿနာ ကလည်း အကြောင်းရင်း တစ်ခု ဖြစ်ပါတယ်။ ချန်ပီယံလိဂ် ၂ ကြိမ် ဆွတ်ခူးထားတဲ့ ရိုဒရီဂိုဟာ မတ်လ အစောပိုင်းကတည်းက (ACL) ဒဏ်ရာ ရရှိခဲ့တာကြောင့် ၂၀၂၇ နှစ်ဆန်းပိုင်း အထိ ပွဲထွက်နိုင်ဦးမှာ မဟုတ်ပါဘူး။ ကီလီယန် အမ်ဘာပေး၊ ဗင်နီးစီးယက်စ် ဂျူနီယာ၊ ဂျူ့ဒ် ဘယ်လင်ဟမ် တို့နဲ့ အတူ ဒီယိုမန်ဒီပါ ပူးပေါင်းလိုက်ရင်တော့ ရီးရဲလ်မက်ဒရစ်ရဲ့ တိုက်စစ်ဟာ စာရွက်ပေါ်မှာတင် ဥရောပရဲ့ တားဆီးရ အခက်ခဲဆုံး တိုက်စစ်တန်း တစ်ခု ဖြစ်လာမှာ သေချာပါတယ်။
စပိန်နဲ့ ဥရောပကို ပြန်လည် စိန်ခေါ်မယ့် မက်ဒရစ် တို့ရဲ့ သန္နိဋ္ဌာန်
ဒီယိုမန်ဒေးကို ခေါ်ယူဖို့ ကြိုးပမ်းမှု သတင်းဟာ ၂၀၂၆ ကမ္ဘာ့ဖလား ရွှေဘောလုံးဆုရ ရိုဒရီကို ခေါ်ယူဖို့ မက်ဒရစ်တို့ ပိုမိုအားစိုက်လာတယ် ဆိုတဲ့ သတင်း ထွက်ပေါ်လာပြီး နာရီပိုင်း အကြာမှာပဲ ထွက်ပေါ်လာခဲ့တာပါ။ စပိန် ကွင်းလယ်လူ ရိုဒရီဟာ သူ့ရဲ့ ၂၀၂၄ ဘယ်လွန်ဒေါဆုရ ခြေစွမ်း အတိုင်း ပြန်လည် ရောက်ရှိနေပြီး တိုနီ ခရူးစ်ရဲ့ နေရာကို အကောင်းဆုံး အစားထိုးပေးနိုင်မယ့်သူ ဖြစ်ပါတယ်။
ဘာစီလိုနာ အသင်းရဲ့ ၂ ရာသီဆက် စပိန်လိဂ် စိုးမိုးမှုကို အဆုံးသတ်ပြီး ၂၀၂၆–၂၇ ရာသီမှာ ၁၆ ကြိမ်မြောက် ချန်ပီယံလိဂ် ဖလားကို စိန်ခေါ်နိုင်ဖို့ အတွက် ရီးရဲလ်မက်ဒရစ်ဟာ အပြောင်းအရွှေ့ ဈေးကွက်မှာ နာမည်ကြီး ကစားသမားတွေကို ငွေကြေး အမြောက်အမြား သုံးပြီး ပြန်လည် ပုံအောရတော့မယ် ဆိုတာကို ဒီလှုပ်ရှားမှုတွေက ရှင်းရှင်းလင်းလင်း သက်သေပြနေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
