ပီအက်စ်ဂျီ ကတော့ လစ်ဗာပူးလ်နဲ့ ကစားရမယ့် ချန်ပီယံလိဂ် ကွာတားဖိုင်နယ် ဒုတိယအကျော့ ပွဲစဉ် မတိုင်ခင် နှစ်ဂိုး အသာနဲ့ ဦးဆောင်ထားနိုင်ပါတယ်။ ဒါပေမယ့်လည်း နောက်ခံလူ အာချက်ဖ် ဟာကီမီ ကတော့ ပွဲက ပြီးဆုံးသွားပြီလို့ မယူဆဘဲ အသင်းကို အသာစီးရနေသူတွေ အဖြစ် သတ်မှတ်နေကြတာကို ငြင်းပယ်လာခဲ့ပါတယ်။
ပီအက်စ်ဂျီဟာ ပြီးခဲ့တဲ့ တပတ်က ပဲရစ်မှာ ကစားခဲ့တဲ့ ပထမအကျော့ပွဲစဉ်မှာ ဒီဆီရီ ဒူယေးနဲ့ ခါဗစ်ချာ ခါဗရာစခီလီယာ တို့ရဲ့ ဂိုးတွေကြောင့် ၂-၀ ဂိုး နဲ့ အနိုင်ရရှိထားပါတယ်။ ပီအက်စ်ဂျီက ပြီးခဲ့တဲ့ ရာသီ ၁၆ သင်း အဆင့် အန်ဖီးလ်မှာ ၁-၀ နဲ့ အနိုင်ရဖူးတဲ့ မှတ်တမ်း ရှိပါတယ်။ ဒါပေမယ့်လည်း ဥရောပပြိုင်ပွဲတွေမှာ လစ်ဗာပူးလ်ကို အန်ဖီးလ်မှာ နှစ်ရာသီ ဆက်တိုက် အနိုင်ရဖူးတဲ့ အသင်း မရှိသေးပါဘူး။
Opta Supercomputer ရဲ့ ခန့်မှန်းချက်အရ ပီအက်စ်ဂျီဟာ ချန်ပီယံလိဂ် ဆီမီးဖိုင်နယ် တက်ရောက်ဖို့ အခွင့်အရေး ၈၆ ရာခိုင်နှုန်းအထိ ရှိနေပါတယ်။ ချန်ပီယံဆု ရရှိဖို့ ကတော့ ၁၇ ရာခိုင်နှုန်း အခွင့်အရေး ရှိနေပြီး ဘေယန်မြူးနစ် (၃၀ ရာခိုင်နှုန်း) နဲ့ အာဆင်နယ် (၃၄ ရာခိုင်နှုန်း) တို့ရဲ့ နောက်မှာ ရပ်တည်နေပါတယ်။
အခုလို အသာစီးရနေတဲ့ အခြေအနေနဲ့ ပတ်သက်ပြီး ဟာကီမီက သတင်းထောက်တွေကို အခုလို ပြောကြားခဲ့ပါတယ်။ “ဒီလို ပြိုင်ပွဲမျိုးမှာ အသာစီးရနေတဲ့ အသင်း ဆိုတာ မရှိပါဘူး။ ၂ ဂိုးပြတ် ရှုံးနေတဲ့ အခြေအနေ ကနေ ပြန်လာနိုင်တယ် ဆိုတာ ကျွန်တော်တို့ မြင်ဖူးပါတယ်။ ကျွန်တော်တို့ ကတော့ အကောင်းမြင်စိတ်နဲ့ ယုံကြည်မှု အပြည့် ရှိနေပါတယ်။ မနက်ဖြန် ပွဲဟာ ကျွန်တော်တို့ အတွက် အရမ်းပဲ အရေးကြီးတဲ့ အတွက် အသေးစိတ် အချက်အလက်တွေက အစ အာရုံစိုက်သွားရမှာပါ။” လို့ ဆိုပါတယ်။
သူက ဆက်လက်ပြီး “ကျွန်တော် တို့က ဘယ်သူ့ထက်မဆို သာလွန်နေတယ်လို့ မခံစားရပါဘူး။ အရေးကြီးတာက အသင်းလိုက် ကစားတဲ့ အခါ ပျော်ရွှင်ဖို့နဲ့ အသင်း အတွက် အောင်ပွဲခံနိုင်ဖို့ပဲ ဖြစ်ပါတယ်။”လို့ ဆိုပါတယ်။
ဟာကီမီဟာ ပီအက်စ်ဂျီ အတွက် ချန်ပီယံလိဂ် ပွဲပေါင်း ၅၄ ပွဲ ကစားပေးထားပြီး ဒီပွဲမှာ ပါဝင်လာရင် အိန်ဂျယ် ဒီမာရီယာနဲ့ ကာဗာနီ တို့ကို ကျော်ဖြတ်ကာ အသင်း အတွက် ချန်ပီယံလိဂ်ပွဲ အများဆုံး ကစားသမား ၅ ဦး စာရင်းထဲ ဝင်လာမှာပါ။ ဒီရာသီမှာ သူဟာ ဂိုးဖန်တီးမှု ၅ ကြိမ် ပြုလုပ်ထားပါတယ်။
လူးဝစ် အန်နရီကေးရဲ့ အသင်းဟာ ဒီရာသီ ချန်ပီယံလိဂ်မှာ ဂိုးသွင်း အများဆုံး (၃၆ ဂိုး)၊ ဂိုးကန်သွင်းမှု အများဆုံး (၂၅၉ ကြိမ်) နဲ့ ပြိုင်ဘက်ဧရိယာ အတွင်း ဘောလုံးထိတွေ့မှု အများဆုံး (၄၈၆ ကြိမ်) စတဲ့ မှတ်တမ်းတွေကို ပိုင်ဆိုင်ထားပါတယ်။ ပထမအကျော့မှာ ၂ ဂိုးနဲ့ အထက် အသာရနေပြီးမှ ပြိုင်ပွဲ ကနေ ထွက်ခွာခဲ့ရတဲ့ ဖြစ်ရပ် အနေနဲ့ ကတော့ ပီအက်စ်ဂျီဟာ ၃ ကြိမ် အထိ ရှိခဲ့ပြီး ဒါဟာ တခြားသော အသင်းတွေထက် ပိုများနေပါတယ်။
လစ်ဗာပူးလ်ဟာ ၂၀၁၈-၁၉ ဘောလုံးရာသီက ဘာစီလိုနာကို ၃ ဂိုးပြတ် ရှုံးနိမ့်ရာ ကနေ ပြန်လည် ကျော်ဖြတ်ပြီး ချန်ပီယံ ဖြစ်ခဲ့ဖူးတာကြောင့် နည်းပြ အန်နရီကေးက လျှော့မတွက်ဖို့ သတိပေးထားပါတယ်။ “ဒါဟာ ပထမအကျော့ပဲ ရှိပါသေးတယ်။ လစ်ဗာပူးလ်လို အသင်းမျိုးနဲ့ သူတို့ ကွင်းမှာ ကစားရတာ အမြဲတမ်း ခက်ခဲပါတယ်။ သူတို့က ဂိုးပြတ်နောက် ကနေ လိုက်ကစားရပေမယ့် ကျွန်တော်တို့ အတွက်တော့ ခက်ခဲတဲ့ အချိန်တွေ ရှိလာဦးမှာပါ။” လို့ အန်နရီကေးက ပြောကြားခဲ့ပါတယ်။
လစ်ဗာပူးလ်ဟာ ဒီရာသီ ချန်ပီယံလိဂ်မှာ ၄ ပွဲ အထိ ရှုံးနိမ့်ထားပြီး ဒါဟာ သူတို့ရဲ့ တစ်ရာသီ အတွင်း အများဆုံး ရှုံးနိမ့်မှု မှတ်တမ်းလည်း ဖြစ်နေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
