ဂျာမနီ လက်ရွေးစင် အသင်း ကတော့ ၂၀၁၄ ခုနှစ် ကမ္ဘာ့ဖလား ဗိုလ်လုပွဲမှာ အနိုင်ရပြီး နောက်ပိုင်း ပြိုင်ပွဲတွေမှာ ရှုံးထွက်အဆင့် ပွဲစဉ်ကို တစ်ကြိမ်မှ ကစားခွင့် မရသေးပါဘူး။ ဒီနှစ် မှာတော့ ကမ္ဘာ့ဘောလုံး ထိပ်သီး ဂျာမနီ အနေနဲ့ ပြိုင်ပွဲရဲ့ အမြင်ဆုံး အဆင့်တွေ အထိ တက်လှမ်းနိုင်မယ်လို့ ဂျော်ရွှာ ကင်မစ်ချ် အပါအဝင် တစ်သင်းလုံးက ယုံကြည်မှု ရှိနေတယ်လို့ သိရပါတယ်။
ကင်မစ်ချ်ဟာ ဂျာမနီ လက်ရွေးစင် အသင်းရဲ့ မကြာသေးခင်က ကမ္ဘာ့ဖလား ကျရှုံးမှုတွေဟာ ဒီနှစ် ပြိုင်ပွဲ မတိုင်ခင် သူတို့ အပေါ် ရှုမြင်ပုံတွေ အပေါ် သက်ရောက်မှု ရှိနေကြောင်း ဝန်ခံခဲ့ပါတယ်။ ဒါပေမယ့်လည်း ကောင်းမွန်တဲ့ ရလဒ်တွေ ရရှိဖို့ အတွက် အတိတ်ကို မေ့ဖျောက်ထားရမယ်လို့ ပြောကြားခဲ့ပါတယ်။
ဂျူလီယန် နာဂဲလ်စမန်းရဲ့ အသင်းက အမေရိကန်၊ ကနေဒါနဲ့ မက္ကဆီကို တို့မှာ ကျင်းပမယ့် ၂၀၂၆ ကမ္ဘာ့ဖလား ပြိုင်ပွဲ အတွက် ပြင်ဆင်တဲ့ အနေနဲ့ ဒီလ အတွင်း ဆွစ်ဇာလန်၊ ဂါနာ တို့နဲ့ ခြေစမ်းပွဲတွေ ကစားသွားမှာ ဖြစ်ပါတယ်။ ဂျာမနီ လက်ရွေးစင် အသင်းဟာ အုပ်စု (E) မှာ ကူရာကာအို၊ အိုင်ဗရီကို့စ်၊ အီကွေဒေါ တို့နဲ့ အတူ ကျရောက်နေပြီး ဇွန်လ ၁၄ ရက်နေ့မှာ ကမ္ဘာ့ဖလား ပွဲဦးထွက် အဖြစ် ကာရာကာအိုနဲ့ စတင် ကစားရမှာ ဖြစ်ပါတယ်။
လွန်ခဲ့တဲ့ ၁၂ နှစ်က ဘရာဇီးလ်မှာ စတုတ္ထအကြိမ်မြောက် ချန်ပီယံဆုကို ဆွတ်ခူးနိုင်ခဲ့ပေမယ့်လည်း အဲဒီအချိန်ကစလို့ ဂျာမနီက ကမ္ဘာ့ဖလား ပြိုင်ပွဲတွေမှာ ဆိုးရွားစွာ ရုန်းကန်နေခဲ့ရပါတယ်။ ၂၀၁၈ ခုနှစ်မှာ ဆွီဒင်၊ မက္ကဆီကို၊ တောင်ကိုရီးယားတို့ ပါဝင်တဲ့ အုပ်စုမှာ အုပ်စု အောက်ဆုံး ကနေ ထွက်ခဲ့ရသလို၊ ၂၀၂၂ ခုနှစ် မှာလည်း စပိန်၊ ဂျပန်၊ ကော့စတာရီကာ တို့နဲ့ တစ်အုပ်စုတည်း ကျရောက်ပြီး ထပ်မံ ထွက်ခွာခဲ့ရပါတယ်။
ဒီအခြေအနေနဲ့ ပတ်သတ်ပြီး ကင်မစ်ချ်က အခုလိုပဲ ပြောကြားခဲ့ပါတယ်။ “ကျွန်တော် တို့က ပြီးခဲ့တဲ့ ပြိုင်ပွဲတွေမှာ ရလဒ်ကောင်းတွေ မပြနိုင်ခဲ့လို့ အခု ပြိုင်ပွဲမှာ ရေပန်းစားဆုံး အသင်းတွေထဲမှာ မပါဝင်ပါဘူး။ ဒါပေမယ့် ပြိုင်ပွဲ စပြီ ဆိုတာနဲ့ လွန်ခဲ့တဲ့ ၄ နှစ် ဒါမှမဟုတ် ၈ နှစ်က ဘာဖြစ်ခဲ့လဲ ဆိုတာ ဘယ်သူမှ စိတ်ဝင်စားမှာ မဟုတ်တော့ပါဘူး။ ကျွန်တော် တို့မှာ ကစားသမား အားလုံး ကျန်းမာနေဖို့နဲ့ အကောင်းဆုံး ပုံစံရနေဖို့ လိုပါတယ်။ အရေးကြီးဆုံးက လူစုံတက်စုံ ရှိနေဖို့ပါပဲ။ ကျွန်တော်တို့ အတူတူ ပိုပြီး တိုးတက်လာဖို့ အခွင့်အရေး ရှိပါတယ်။” လို့ ကင်မစ်ချ်က ဆိုပါတယ်။
လောလောဆယ် မှာတော့ ဂျာမနီ ကစားသမားတွေ အနေနဲ့ ကမ္ဘာ့ဖလား အတွက် မပြင်ဆင်ခင် ကစားရမယ့် ဖင်လန်၊ အမေရိကန် တို့နဲ့ ခြေစမ်းပွဲတွေ ကိုသာ အာရုံစိုက်ထားရမယ်လို့ ကင်မစ်ချ်က ထပ်လောင်း ပြောကြားခဲ့ပါတယ်။ ဘေယန်မြူးနစ် လူငယ် ကစားသမားတွေ ဖြစ်တဲ့ ဂျိုးနက်စ် အာဘစ်နဲ့ လန်းနတ် ကားလ် တို့ဟာ ဂျာမနီ လက်ရွေးစင် အသင်းရဲ့ လူစာရင်းမှာ ပထမဆုံးအကြိမ် ပါဝင်ခွင့်ရခဲ့ကြပါတယ်။ ကားလ် ကတော့ လာမယ့် သောကြာနေ့ ဆွစ်ဇာလန်နဲ့ ပွဲမှာ ပွဲထွက်ကစားခွင့်ရဖွယ် ရှိနေပါတယ်။ အသက် ၁၉ နှစ် မပြည့်သေးတဲ့ လူငယ် ကြယ်ပွင့် ကားလ်ဟာ ဒီရာသီမှာ သွင်းဂိုး ၈ ဂိုးနဲ့ ဂိုးဖန်တီးမှု ၅ ကြိမ် (စုစုပေါင်း ၁၃ ကြိမ်) အထိ ပါဝင် ပတ်သက်ထားပါတယ်။ ဥရောပ ထိပ်သီးလိဂ် ၅ ခုမှာ ၂၀၀၇ ခုနှစ် နောက်ပိုင်း မွေးဖွားသူတွေထဲမှာ ဘာစီလိုနာက လာမင်း ယာမယ် တစ်ဦးတည်းသာ ၎င်းထက် ပိုမို စွမ်းဆောင်ထားနိုင်တာ ဖြစ်ပါတယ်။
“သူက ကွင်းထဲ ဆင်းလိုက်တာနဲ့ အရမ်းကို သတ္တိရှိရှိ ကစားတဲ့သူပါ။ လူငယ်ကစားသမားတွေ အသင်းထဲကို ရဲရဲဝံ့ဝံ့ ဝင်လာပြီး သူတို့ကိုယ်သူတို့ ယုံကြည်မှုရှိတာကို အသင်းဖော် တစ်ယောက် အနေနဲ့ ကျွန်တော် အမြဲတမ်း သဘောကျပါတယ်။ လန်နီက သူ့ရဲ့ အားသာချက်ကို သိတယ်၊ ဂိုးကန်သွင်းခွင့်ရမယ့် အခွင့်အရေးကို အမြဲတမ်း ရှာဖွေတတ်တယ်။ ဒါကြောင့် သူက ဘေယန်မှာရော ဂျာမနီ မှာပါ ကျွန်တော် တို့ကို ကူညီပေးနိုင်လိမ့်မယ်လို့ ယုံကြည်ပါတယ်။” လို့ ကင်မစ်ချ်က ချီးကျူးခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
