တူရကီ စူပါလိဂ် ကလပ် ဘက်ဆစ်တပ်စ် နည်းပြသစ် အိုလီ ဂန်နာ ဆိုးလ်ရှား ကတော့ လက်ရှိ ဇန်နဝါရီ ဆောင်းရာသီ အပြောင်းအရွှေ့ ဈေးကွက် မပိတ်ခင်မှာ ယူနိုက်တက်တက် ကွင်းလယ်လူ ကက်စ်မဲရိုးကို ခေါ်ယူချင်နေတယ်လို့ သိရပါတယ်။ ကက်စ်မဲရိုးဟာ လက်ရှိမှာ ပရီးမီးယားလိဂ် ကလပ် ယူနိုက်တက် အတွက် ပွဲထွက်ကစားခွင့်ရဖို့ ရုန်းကန်နေရချိန်မှာ ဆိုးလ်ရှားက အရ ခေါ်ယူပေးဖို့ အသင်းထံ တောင်းဆိုထားတာလည်း ဖြစ်ပါတယ်။
လက်ရှိမှာ အသက်အရွယ် အားဖြင့် ၅၁ နှစ် အရွယ် ရှိနေပြီ ဖြစ်တဲ့ နော်ဝေ လူမျိုး နည်းပြက ၂၀၂၁ ခုနှစ် နှစ်ကုန်ပိုင်းမှာ ပရီးမီးယားလိဂ် ကလပ် ယူနိုက်တက် ကနေ ထုတ်ပယ်ခံရသူ ဖြစ်ပါတယ်။ အဲဒီနောက်ပိုင်း ဆိုးလ်ရှားက အသင်း လက်မဲ့ ဖြစ်နေခဲ့ပြီးတော့ ကလပ် အသင်း တချို့နဲ့ သတင်းတွေ ထွက်ပေါ်ခဲ့ဖူးပေမယ့်လည်း ကိုင်တွယ်ခဲ့ခြင်းတော့ မရှိပါဘူး။ ဆိုးလ်ရှားက ၂၀၂၅ ခုနှစ် မှစပြီးသာ နည်းပြ အလုပ်ကို ပြန်လည် လုပ်ကိုင်ခဲ့တာ ဖြစ်ပြီးတော့ တူရကီ ကလပ် ဘက်ဆစ်တပ်စ်ကို ကိုင်တွယ် ခဲ့တာ ဖြစ်ပါတယ်။
ဆိုးလ်ရှားဟာ နည်းပြ ဘဝကို နော်ဝေ ကလပ် မိုလ်ဒီမှာ စတင်ခဲ့ပြီးတော့ ကာဒစ်ဖ်နဲ့ ပရီးမီးယားလိဂ် ကလပ် မန်ချက်စတာယူနိုက်တက်ကို ပြောင်းရွှေ့ ကိုင်တွယ်ခဲ့ပါတယ်။ ဆိုးလ်ရှားဟာ မိုးလ်ဒီနဲ့ မန်ချက်စတာယူနိုက်တက် တို့မှာ အရမ်းမဆိုးလှတဲ့ စွမ်းဆောင်ရည်မျိုးနဲ့ ကိုင်တွယ်နိုင်ခဲ့သူ ဖြစ်ပြီး လက်ရှိမှာတော့ တူရကီ ထိပ်သီး ကလပ်ရဲ့ နည်းပြလည်း ဖြစ်လာခဲ့သူပါ။ ဒါ့အပြင် ဆိုးလ်ရှားက ဘက်ဆစ်တပ်စ်နဲ့ ပွဲဦးထွက်မှာ အားလုံး အံ့အားသင့်စေမယ့် နိုင်ပွဲမျိုး ရယူပေးနိုင်ခဲ့ပါတယ်။ ဆိုးလ်ရှားရဲ့ အသင်းက ဘီလ်ဘာအိုလို ဒီရာသီ ယူရိုပါလိဂ်မှာ ရှုံးပွဲ လုံးဝ မရှိတဲ့ အသင်းကို ၄-၁ ဆိုတဲ့ ရလဒ်နဲ့ အနိုင်ယူပြခဲ့ကာ တာထွက် လှပခဲ့ပါတယ်။ ဒါပေမယ့်လည်း သူကိုင်တွယ်တဲ့ ဒုတိယမြောက် ပွဲစဉ်မှာတော့ ဘက်ဆစ်တပ်စ်က အမှတ်ပေးဇယား အောက်ပိုင်းက အန်တယ်ယာစပေါ ကိုတော့ တစ်ဂိုးစီ သရေသာ ကစားနိုင်ခဲ့ပါတယ်။
ဘက်ဆစ်တပ်စ်က လက်ရှိ တူရကီလိဂ်မှာ အမှတ်ပေးဇယား အဆင့် ၆ နေရာမှာ ရှိနေပြီးတော့ ဇယားထိပ်က ဂါလာတာဆာရေးနဲ့ ၂၂ မှတ် ပြတ်တောက်နေပါတယ်။ ကွန့်ဖရင့်လိဂ် ဝင်ခွင့်ရမယ့် အဆင့် ၄ နေရာက အသင်းနဲ့တော့ ၄ မှတ်သာ ကွာဟနေတာ ကြောင့် ရာသီ လက်ကျန် ပွဲတွေမှာ ရလဒ်ကောင်းဖို့ လိုအပ်နေပါတယ်။ ယူရိုပါလိဂ် မှာတော့ ဘက်ဆစ်တပ်စ်က အက်ဖ်စီတွမ်တီးနဲ့ ကစားရမယ့် နောက်ဆုံး ပွဲစဉ်ကို အနိုင်ရရှိဖို့ လိုအပ်နေပြီး အဲဒီပွဲမှာ ရလဒ်ကောင်းမှသာ ရှုံးထွက် ပလေးအော့ဖ် အဆင့်ကို တက်လှမ်းနိုင်မှာလည်း ဖြစ်ပါတယ်။
ဘက်ဆစ်တပ်စ်ဟာ အင်မိုဘီလီ၊ ချိန်ဘာလိန်၊ ရာဖာ ဆေးလ်ဗား၊ ယာအို မာရီယိုနဲ့ ဂတ်ဆန် ဖာနန်ဒက်စ် တို့လို ကစားသမားကောင်းတွေ ပိုင်ဆိုင်ထားပေမယ့် ရလဒ်ပိုင်း ကတော့ အားရစရာ မရှိ ဖြစ်နေတာပါ။ ဒီအခြေအနေမှာ ဆိုးလ်ရှားက အသင်းကို အားဖြည့်ဖို့အတွက် ယူနိုက်တက်က ဘရာဇီးလ် ဝါရင့် ကွင်းလယ်လူ ကက်စ်မဲရိုးကို ခေါ်ယူချင်နေတာ ဖြစ်ပါတယ်။ အသက် ၃၂ နှစ် အရွယ် ရှိပြီ ဖြစ်တဲ့ ဘရာဇီးလ်သားက ယူနိုက်တက်မှာ ပရီးမီးယားလိဂ် အပါအဝင် ပြိုင်ပွဲစုံ နောက်ဆုံး ၆ ပွဲဆက် ပွဲထွက် ကစားခွင့် ပျောက်ဆုံးနေရသူ ဖြစ်ပါတယ်။ နည်းပြ ရူဘင် အမော်ရင်က ကက်စ်မဲရိုးရဲ့ အသက်အရွယ်နဲ့ ကျဆင်းလာတဲ့ ခြေစွမ်းကြောင်း အသင်းရဲ့ ကွင်းလယ်မှာ တတိယ ဦးစားပေး အဖြစ်လောက်ပဲ သတ်မှတ်ထားတော့တာ ဖြစ်ပါတယ်။
ဘရာဇီးလ် ကလပ် ဆာပေါ်လိုမှာ ကစားသမား ဘဝ စတင်ခဲ့တဲ့ ကက်စ်မဲရိုးက ၂၀၁၃ ခုနှစ် မှာတော့ ရီးရဲလ်မက်ဒရစ်ကို ပြောင်းရွှေ့ခဲ့ပြီး ပွဲပေါင်း ၃၁၀ ပွဲ ကစားခဲ့ပါတယ်။ ကက်စ်မဲရိုးက လာလီဂါ ကလပ်မှာ ၁၀ စုနှစ် တစ်ခု အကြာ ဖြတ်သန်းခဲ့ပြီး အောင်မြင်မှုများစွာလည်း ရရှိခဲ့ပါတယ်။ ၂၀၂၂-၂၃ ဘောလုံး ရာသီ မှာတော့ ဘရာဇီးလ်သားဟာ ယူနိုက်တက်ကို ပြောင်းရွှေ့ခဲ့ပြီးတော့ ပထမ ရာသီမှာ ပွဲပေါင်း ၅၀ ကျော် ကစားပြီး ခြေစွမ်းပြနိုင်ခဲ့ပေမယ့် နောက်ပိုင်း နှစ်နှစ်မှာတော့ ခြေစွမ်းပြလိုက် ရုန်းကန်ရလိုက် ဖြစ်နေသူပါ။ ဒါကြောင့် ကက်စ်မဲရိုးကို ဆော်ဒီပရိုလိဂ် ကလပ်တွေက စောင့်ကြည့်လျက် ရှိပြီး အခုနောက်ဆုံး မှာတော့ ဘက်ဆစ်တပ်စ်လည်း ပါဝင်လာခဲ့တာ ဖြစ်ပါတယ်။ သတင်းတွေရဲ့ ဖော်ပြချက် အရတော့ ဘက်ဆစ်တပ်စ်က ကက်စ်မဲရိုးကို အငှားနဲ့သာ ကမ်းလှမ်းသွားချင်နေတာ ဖြစ်ကြောင်းလည်း သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
