ပရီးမီးယားလိဂ် ကလပ် အာဆင်နယ် ကတော့ ရီးရဲလ်မက်ဒရစ်က အာဒါ ဂူလာကို လာမယ့် ဆောင်းရာသီ အပြောင်းအရွှေ့ ဈေးကွက်မှာ အငှားနဲ့ ခေါ်ယူသွားဖို့ ပြင်ဆင်နေတယ်လို့ သိရပါတယ်။ အာဆင်နယ်ဟာ တူရကီ ကြယ်ပွင့် ကစားသမားလေးကို ရာသီကုန် အထိပဲ အငှားနဲ့ ခေါ်ယူမှုဖို့ ကမ်းလှမ်းသွားဖွယ် ရှိနေကြောင်းလည်း သတင်းတွေ ထွက်ပေါ်နေခဲ့တာ ဖြစ်ပါတယ်။
အသက် ၁၉ နှစ် အရွယ်သာ ရှိသေးတဲ့ တူရကီ မက်ဆီလို့ သတ်မှတ်ခံထားရတဲ့ ကစားသမားလေး အာဒါ ဂူလာ ကတော့ ကွင်းလယ် တိုက်စစ်နဲ့ တောင်ပံနေရာတွေမှာ ကစားနိုင်သူ ဖြစ်ပါတယ်။ ဂူလာဟာ ပြီးခဲ့တဲ့ ၂၀၂၃ ခုနှစ် နွေရာသီ ကမှ တူရကီ ထိပ်သီး ကလပ် ဖီနာဘာချီ ကနေ ရီးရဲလ်မက်ဒရစ်ကို ၆ နှစ် စာချုပ်နဲ့ ပြောင်းရွှေ့လာခဲ့သူ ဖြစ်ပါတယ်။
ဂူလာဟာ ပြီးခဲ့တဲ့ တစ်ရာသီလုံးကို ပြိုင်ပွဲစုံ ၁၂ ပွဲသာ ကစားခဲ့ရပြီး ဒီရာသီ မှာလည်း လက်ရှိ အချိန်ထိ ပြိုင်ပွဲစုံ ၁၂ ပွဲ ကစားထားရပေမယ့် ၃ ပွဲသာ ပွဲထွက် ကစားသမား အဖြစ် ကစားထားရတာ ဖြစ်ပါတယ်။ ဒီအခြေအနေကို အာဒါ ဂူလာက စိတ်ပျက်နေတယ်လို့ သိရပြီး ဥရောပ ထိပ်သီး ကလပ်တွေ အနေနဲ့ ကစားသမားနဲ့ အသင်းရဲ့ အခြေအနေကို စောင့်ကြည့်နေကြပါတယ်။
ပရီးမီးယားလိဂ် ကလပ် အာဆင်နယ်ဟာ ရီးရဲလ်မက်ဒရစ် ကစားသမားတွေ ဖြစ်တဲ့ မီဆွတ် အိုဇေးလ်၊ မာတင် အိုဒီဂတ်နဲ့ ဒန်နီ ဆယ်ဘာလော့စ် တို့ကိုလည်း အရင်က ခေါ်ယူခဲ့ဖူးပါတယ်။ ဒီကစားသမားတွေထဲကမှ နော်ဝေ ကွင်းလယ် ကြယ်ပွင့် မာတင် အိုဒီဂတ် ကိုတော့ အငှားနဲ့ အရင် ခေါ်ယူပြီးမှ အပြီးသတ် ခေါ်ယူနိုင်ခဲ့တာ ဖြစ်ပါတယ်။ အိုဒီဂတ်ဟာ လက်ရှိမှာ အာဆင်နယ် အတွက် အရေးပါဆုံး ကစားသမား တစ်ဦး ဖြစ်နေခဲ့ပြီး ဂန်းနားတွေဟာ အာဒါ ဂူလာ ကိုလည်း အိုဒီဂတ်လို မျှော်လင့်ထားပုံ ရပါတယ်။ ဒါကြောင့် အာဆင်နယ်က အိုဒီဂတ် အပြောင်းအရွှေ့ အတိုင်း နောက်ထပ် ရီးရဲလ်မက်ဒရစ် ကြယ်ပွင့် ကစားသမား ဖြစ်တဲ့ အာဒါ ဂူလာကို ထပ်မံ ချဉ်းကပ်နေခဲ့တာ ဖြစ်ပါတယ်။ ပရီးမီးယားလိဂ် ကလပ်က တူရကီ လက်ရွေးစင် ကွင်းလယ် ကစားသမားလေး အာဒါ ဂူလာကို ရီးရဲလ်မက်ဒရစ် ကနေ ကာလတို အငှားစာချုပ်နဲ့ ခေါ်ယူချင်နေတာလည်း ဖြစ်နေပါတယ်။
လက်ရှိ ရီးရဲလ်မက်ဒရစ်မှာ ပွဲကစားခွင့် နည်းပါးနေတဲ့ အာဒါ ဂူလာ ကိုတော့ အာဆင်နယ်က ရာသီကုန်အထိ အငှား စာချုပ်နဲ့ ခေါ်ယူချင်နေခဲ့ပြီး အာဆင်နယ် ကလည်း အာဒါ ဂူလာ နှစ်သက် အားကျရတဲ့ အိုဇေးလ်ရဲ့ ကလပ်ဟောင်း ဖြစ်နေတာကြောင့် ကမ်းလှမ်းမှုသာ အမှန်တကယ် ဖြစ်လာခဲ့ရင်တော့ လက်ခံဖွယ် ရှိနေကြောင်း သုံးသပ်မှုတွေလည်း ရှိပါတယ်။ ဒါပေမယ့်လည်း ရီးရဲလ်မက်ဒရစ် နည်းပြကြီး ကာလို အန်ဆယ်လော့တီ ကတော့ အာဒါ ဂူလာကို အသင်းမှာ ဆက်ထိန်းထားပြီး မကြာခင် ပွဲထွက်ကစားခွင့်တွေလည်း ပေးသွားဖွယ် ရှိနေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
